Hyderabad Tourists: కొండచరియలు విరిగిపడి హైదరాబాద్‌ పర్యాటకులు మృతి

Hyderabad Tourists: ఉత్తరాఖండ్‌ చమోలిలో కొండచరియలు విరిగిపడి ఇద్దరు పర్యాటకులు మృతి చెందారు. కొండచరియలు విరిగిపడటంతో బండరాళ్లు ఢీకొని హైదరాబాద్‌కు చెందిన ఇద్దరు పర్యాటకులు మృతి చెందినట్లు అక్కడి అధికారులు తెలిపారు. బద్రీనాథ్ జాతీయ రహదారిపై చత్వాపీపాల్ సమీపంలో గౌచర్, కర్ణప్రయాగ్ మధ్య ఈ ప్రమాదం జరిగింది. మృతులు నిర్మల్ షాహి (36), సత్య నారాయణ (50)లుగా గుర్తించారు. హిమాలయ దేవాలయం నుంచి మోటారు సైకిల్‌పై తిరిగి వస్తుండగా బండరాళ్లు ఢీకొన్నాయి. దీనికి సంబంధించి పూర్తీ వివరాలు తెలియాల్సి ఉంది.