ఫాన్సీ మొబైల్ నంబర్ కావాలా?.. అయితే, ఇలా చేయండి..!!

భారత ప్రభుత్వ రంగ టెలికం సంస్థ అయిన బీఎస్ఎన్ఎల్ తన కస్టమర్లకు శుభవార్త అందించింది. బీఎస్ఎన్ఎల్ తమ వినియోగదారులకు మంచి ఫ్యాన్సీ నెంబర్లను సొంతం చేసుకునే సదుపాయాన్ని కల్పిస్తోంది. ఈ వేలం పాట ఆన్ లైన్లో నిర్వహిస్తోంది. ఇంట్రెస్ట్ ఉన్న కస్టమర్లు ఆన్ లైన్లో పాల్గొని ఫ్యాన్సీ నెంబర్ తో కూడి సిమ్ కార్డు సొంతం చేసుకునే బంపర్ ఆఫర్ నవంబర్ 11 నుంచి షురూ అయ్యింది. ఈ వేలం నవంబర్ 20 వరకు కొనసాగుతుంది. ఫ్యాన్సీ నెంబర్లకు ఉండే క్రేజ్ ను క్యాష్ చేసుకునేందుకు బీఎస్ఎన్ఎల్ ఈ నిర్ణయం తీసుకున్నట్లు వెల్లడించింది.

అయితే ఈ ఫ్యాన్సీ నెంబర్లు ప్రస్తుతం వెస్ట్ బెంగాల్, జార్ఖండ్, గుజరాత్, తమిళనాడు, కేరళ, యూపీలలో మాత్రమే వేలం వేస్తున్నారు.ప్రస్తుతం దేశంలో రోమింగ్ విధానం అందుబాటులో లేకపోవడంతో ఏ రాష్ట్రంలో సిమ్ కార్డును ఏ రాష్ట్రంలో అయినా ఉపయోగించుకోవచ్చు.

అందుబాటులోఉన్న నెంబర్లు, ధర వివరాలు:

8300000022 నెంబర్ కొనుగోలు చేయాలంటే రూ. 25 వేల ప్రారంభం అవుతుంది. 8300001234 నెంబర్ రూ. 10వేల నుంచి ప్రారంభమవుతుంది. 8300012345 మొబైల్‌ నెంబర్‌ రూ. 10 వేల నుండి ప్రారంభమవుతుంది. 8300010001 మొబైల్ నెంబర్ రూ. 8 వేలు... 8300020002, 8300030003 రెండు నెంబర్లు రూ. 8 వేల నుంచి వేలం ప్రారంభం కానున్నాయని తెలిపింది. రూ. 5 వేల నుంచి ఫ్యాన్సీ మొబైల్ నెంబర్ల ను కూడా వేలంపాట అందుబాటులోకి తీసుకొచ్చింది. ఇందులో.. 8300081000, 8300082000, 8300083000 మొబైల్‌ నెంబర్లను రూ. 5 వేల వేలంపాట నుంచి ప్రారంభవుతున్నాయి. బీఎస్‌ఎన్‌ఎల్ అధికారిక వెబ్‌సైట్‌ https://eauction.bsnl.co.in/ లోకి వెళ్లి మొబైల్ నెంబర్‌ యాక్షన్ విభాగం ద్వారా ఆన్‌లైన్‌లో మొబైల్‌ నెంబర్‌ వేలంపాటలో పాల్గొనవచ్చని కంపెనీ అధికారికంగా ప్రకటించింది.

ఇది కూడా చదవండి:  రాత్రి పడుకునే ముందు ఈ పని చేయండి…చర్మం మృదువుగా మెరుస్తుంది..!!