Face Wash: వేసవిలో ముఖాన్ని ఎన్నిసార్లు కడిగితే మంచిది?

Face Wash: ఎండాకాలం రాగానే చర్మం ముట్టుకుంటే అతుక్కుపోయినట్లు అనిపిస్తుంది. ఇలాంటి పరిస్థితుల్లో ప్రజలు తరచూ ముఖం కడుగుతూ ఉంటారు. అసలు వేసవి కాలంలో ఎన్నిసార్లు ముఖం కడుక్కుంటే మంచిది అనే డౌట్‌ ప్రతిఒక్కరికి వస్తుంటుంది. వేసవి కాలంలో రోజుకు రెండుసార్లు ముఖం కడుక్కోవడం మంచిది. ఉదయం, రాత్రి పడుకునే ముందు రెండుసార్లు ముఖం కడుక్కోవచ్చు. ఇంట్లో ఉంటే ముఖం తరచుగా కడగడం వల్ల చర్మం పొడిగా, నిర్జీవంగా మారుతుంది.

ఎండలో బయట ఉంటే చెమట పట్టవచ్చు. అలాంటప్పుడు ముఖాన్ని రోజుకు రెండుసార్లు కంటే ఎక్కువగా కడగాలి. ఎందుకంటే చెమట వల్ల చర్మం జిగటగా ఉంటుంది. దాని వల్ల మొటిమలు వచ్చే అవకాశం ఉంటుంది. దుమ్ము, మట్టి ముఖంపై చేరితే రోజుకు 4 నుంచి 5 సార్లు కడగాలి. ఇలా చేయడం వల్ల ముఖంపై ఉన్న మురికి పోతుంది. జిడ్డు చర్మం ఉన్నవారైతే ముఖాన్ని రోజుకు మూడుసార్లు కడగాలని నిపుణులు అంటున్నారు. వేసవిలో ముఖం కడుక్కోవడం చాలా ముఖ్యం. ఇది చర్మంలోని చెమట, మురికి, నూనెను తొలగిస్తుంది. దీని వల్ల చర్మం ఆరోగ్యంగా ఉంటుంది. మొటిమలు కూడా పోతాయి.

అంతేకాకుండా ముఖం కడుక్కోవడం వల్ల చర్మం హైడ్రేట్‌గా ఉంటుంది. రోజూ 3 నుంచి 4 సార్లు ముఖం కడుక్కుంటే రక్త ప్రసరణ పెరిగి చర్మం మెరుస్తుంది. ముఖం కడుక్కోవడం వల్ల చర్మరంధ్రాలు తెరుచుకుంటాయి. వేసవి కాలంలో ముఖం కడుక్కునేటపుడు క్లెన్సర్‌ని ఉపయోగించవచ్చు. ముఖాన్ని గోరువెచ్చని నీటితో కడగాలి. ముఖం కడుక్కున్న తర్వాత తప్పనిసరిగా మాయిశ్చరైజర్ వాడాలి. అంతేకాకుండా సన్‌స్క్రీన్‌ని ఉపయోగించవచ్చు. ప్రతి వ్యక్తి చర్మం భిన్నంగా ఉంటుంది కాబట్టి కొంతమంది తమ ముఖాన్ని పదేపదే కడుక్కోవడంలో సమస్యలను ఎదుర్కొంటారు. ముఖంపై ఏదైనా సమస్య ఉంటే ఖచ్చితంగా వైద్యుడిని సంప్రదించాలి.

ఇది కూడా చదవండి: పిల్లల్ని సంతోషంగా ఉంచాలంటే తల్లిదండ్రులు ఈ పనులు చేయాలి

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.