Bath Time: రోజుకు ఎన్నిసార్లు స్నానం చేయాలి? వేడి నీరు నిజంగా మంచిదేనా?

Ayurvedic Bath Rules: శరీరాన్ని ఆరోగ్యంగా, తాజాగా ఉంచడానికి స్నానం చాలా ముఖ్యమైనదని చెబుతారు. స్నానం చేయడం వల్ల మనసుకు విశ్రాంతి మాత్రమే కాకుండా శరీరం నుంచి అలసట తొలగిపోతుంది. శరీరానికి ఇది చాలా ముఖ్యమైనది. కొన్ని దేశాల్లో ఉదయాన్నే స్నానం చేస్తారు. కొన్ని దేశాల్లో రాత్రిపూట స్నానం చేసి నిద్రపోతారు. మనం నిశితంగా పరిశీలిస్తే చాలా మంది రోజుకు ఒక్కసారైనా స్నానం చేయడం మంచిదని భావిస్తారు. వాతావరణలో, శీతాకాలంలో ఒక స్నానం సరిపోతుంది. కానీ వేసవిలో ఒక స్నానం చేయడం నిజంగా సరైనదేనా..? రోజుకు ఎన్నిసార్లు తలస్నానం చేయడం సరైనదో, ఎలాంటి నీరు ఆరోగ్యానికి మంచిదో ఇక్కడ కొన్ని విషయాలు ఇప్పుడు తెలుసుకుందాం.

ఒక రోజులో ఎన్ని సార్లు స్నానం చేయాలి:

• చాలామంది పరిశుభ్రత కోసం రోజుకు రెండుసార్లు స్నానం చేస్తారు. కొందరు వేసవిలో పదేపదే స్నానం చేస్తుంటారు. కానీ ఆరోగ్యం దృష్ట్యా.. రోజుకు ఒకటి కంటే ఎక్కువసార్లు స్నానం చేయకూడదు. చర్మాన్ని మృదువుగా ఉంచడంలో సహాయపడే కొన్ని ప్రత్యేకమైన సహజ నూనెలు మన శరీరంలో ఉన్నాయని ఆయుర్వేద నిపుణులు అంటున్నారు. మనం ఒకటి కంటే ఎక్కువసార్లు స్నానం చేస్తే.. ఈ సహజ నూనెలు శరీరం నుంచి బయటకు వస్తాయి, చర్మం పొడిబారడం ప్రారంభమవుతుంది.

వేసవిలో ఎన్ని సార్లు స్నానం చేయవచ్చు:

• మీరు తరచుగా స్నానం చేస్తే.. చర్మం దురద ప్రారంభమవుతుంది, చర్మం పొడిగా, పగుళ్లు కూడా వస్తాయి. అయితే వేసవిలో చర్మం ఎక్కువగా చెమట పట్టినప్పుడు సబ్బు లేకుండా రోజుకు రెండుసార్లు స్నానం చేయవచ్చు. చలికాలంలో వారానికి ఐదుసార్లు అయినా స్నానం చేస్తే ఆరోగ్యానికి సరిపోతుంది. చలికాలంలో చర్మం పొడిబారుతుంది కాబట్టి.. వారానికి ఐదు రోజులు స్నానం చేయడం ద్వారా తగ్గించుకోవచ్చు.

వేడి- చల్లగా నీటితో స్నానం:

• వాతావరణం ప్రకారం చల్లని, వేడి నీటితో స్నానం చేస్తారు. చలికాలంలో వేడినీళ్లతోనూ, వేసవిలో చల్లనీళ్లతోనూ స్నానం చేస్తే బాగుంటుంది. స్నానం చేసే నీటి ఉష్ణోగ్రత మరీ వేడిగానూ, చల్లగానూ ఉండకూడదని నిపుణులు చెబుతున్నారు. చలికాలంలో వేడి నీళ్లతో స్నానం చేస్తే చర్మం సున్నితంగా మారుతుంది. అందువల్ల చాలా వేడి నీటితో స్నానం చేయడం మంచిది కాదు.
• వేసవిలో చల్లటి నీరు స్నానానికి అనుకూలంగా ఉంటుంది. కానీ చాలా చల్లటి నీరు ఆరోగ్యానికి హాని కలిగిస్తుంది. కాబట్టి గోరువెచ్చని నీటితో, గది ఉష్ణోగ్రత వద్ద ఉంచిన నీటితో స్నానం చేయడం మంచిది. ఇది శరీర ఉష్ణోగ్రతపై పెద్దగా ప్రభావం చూపదు. గోరువెచ్చని నీటితో స్నానం చేయడం వల్ల శరీరంలో రక్తప్రసరణ పెరిగి జలుబు, దగ్గు వచ్చే అవకాశం ఉందని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: బరువు తగ్గించే మందులు వాడుతున్నారా..? మీ గుండె ఆరోగ్యంలో పడినట్టే!