Palnadu Voilence: పల్నాడులో టెన్షన్ టెన్షన్.. కొనసాగుతోన్న 144 సెక్షన్

హింసాత్మక ఘటనల నేపథ్యంలో పల్నాడు జిల్లాలో రెండో రోజు 144 సెక్షన్ ఆంక్షలు కొనసాగుతున్నాయి. దీంతో మాచర్ల, గురజాల, నర్సరావుపేట, సత్తెనపల్లి నియోజకవర్గాలలో భారీగా పోలీసు బందోబస్తు ఏర్పాటు చేశారు. ప్రధాన కూడళ్లు, సమస్యాత్మక గ్రామాలలో పోలీస్ పికెట్లు ఏర్పాటు చేశారు. ఈ నాలుగు నియోజకవర్గాలలో షాపులను మూసివేయించారు పోలీసులు. బ్యాంకులు, సినిమా థియేటర్లు క్లోజ్ చేశారు. పోలీసులు ఎప్పటికప్పుడు గస్తీ నిర్వహిస్తూ పరిస్థితిని సమీక్షిస్తున్నారు. మరో వైపు ఎప్పుడు ఏం జరుగుతుందోనని స్థానికులు ఆందోళన వ్యక్తం చేస్తున్నారు.