అమెరికాలోని న్యూయార్క్, పెన్సిల్వేనియా ప్రాంతాల్లో భారీ వర్షాలు కురుస్తున్నాయి. దీంతో రోడ్లన్నీ జలమయమయ్యాయి. వాహనాల్లో చిక్కుకున్న వారిని సహాయక బ్రుందాలు రక్షించాయి. భారీ వర్షాల కారణంగా చాలా ప్రాంతాలు ముంపునకు గురయ్యాయి. న్యూయార్క్ నగరానికి ఉత్తరాన ఉన్న హడ్సన్ వ్యాలీ ప్రాంతానికి ప్రాతినిధ్యం వహిస్తున్న మైక్ లాలర్ వరదలకు సంబంధించిన వీడియోలు, ఫోటోలను ట్విట్టర్లో పోస్ట్ చేశాడు. మాన్హాటన్కు ఉత్తరాన 40 మైళ్ల దూరంలో ఉన్న స్టోనీ పాయింట్ పట్టణంలో వరద నీరు చేరడంతో వీధులన్నీ చెరువులను తలపిస్తున్నాయి. స్టోనీ పాయింట్లో భారీ వరదలు రావడంతో చాలా మందిని సురక్షిత ప్రాంతాలకు తరలిస్తున్నారు. అటు పెన్సిల్వేనియాలో కూడా ఇదే వరద పరిస్థితి కొనసాగుతోంది . అలెన్టౌన్కు ఆగ్నేయంగా 15 మైళ్ల దూరంలో ఉన్న క్వాకర్టౌన్లో వీధులన్నీ వరదలో చిక్కుకున్నాయి.
పూర్తిగా చదవండి..న్యూయార్క్ను ముంచెత్తిన వరదలు…ముంపునకు గురైన వీధులు..!!
భారీ వర్షాలు, వరదలు అమెరికాలోని న్యూయార్క్, పెన్సిల్వేనియాను ముంచెత్తాయి. భారీ వరదల కారణంగా ప్రజలు తీవ్ర ఇబ్బందులు ఎదుర్కొంటున్నారు. స్టోనీ పాయింట్లో భారీ వరదలు రావడంతో చాలా మందిని సురక్షిత ప్రాంతాలకు తరలిస్తున్నారు. సెంట్రల్ పెన్సిల్వేనియా, దక్షిణ న్యూయార్క్లో వర్షం ప్రభావం ఎక్కువగా ఉంది. వీధులన్నీ నదులను తలపిస్తున్నాయి. వరదల ధాటికి వంతెనలు కొట్టుకుపోయాయి. గవర్నర్ కాథీ హోచుల్ రెండు కౌంటీలలో అత్యవసర పరిస్థితిని ప్రకటించారు.
Translate this News: