/rtv/media/agency_attachments/K5tL8SzMSJHtxzCWWrSl.png)
By
/rtv/media/post_attachments/wp-content/uploads/2024/05/Main-moringa.jpg)
New Update
Drumstick Leaf: మరిగే నీటిలో గుప్పెడు మునగాకులు వేసి గట్టిగా మూతపెట్టి 5 నిమిషాలు ఉంచిన తరువాత ఆ పాత్రను చన్నీటిలో పెట్టి బాగా చల్లార్చి పాత్రలోని మునగాకు తీసివేసి మిగిలిన రసములో కొద్దిగా మిరియాలపొడి తగినంత ఉప్పు, 1 చెంచా నిమ్మరసం వేసి ప్రతిరోజూ ఉదయం సేవిస్తూ ఉంటే అజీర్తి, ఉబ్బసం, రక్తహీనత, మామూలు జలుబు, దగ్గు, నిస్సత్తువ వంటివి దరిచేరవు.
ఒక కప్పు మునగాకు రసము బాగా వేడిచేసి చల్లార్చి పైపై నీటిని వంచేసి మిగిలిన పదార్ధములో పాలుపోసి కలిపి ఆ మిశ్రమాన్ని గర్భిణీలు గర్భము ధరించిన నాటినుండి తీసుకొనుచున్న పిండము చక్కగా పెరుగుటయే కాక సుఖప్రసవం అవుతుంది.
మునగలో ప్రోటీన్లు పుష్కలంగా వుండటంతో శరీరానికి బలం చేకూరుతుంది. సాధారణంగా మెరిసే చర్మాన్ని పొందాలంటే.. యాంటీ-యాక్సిడెంట్లు, యాంటీ- ఏజింగ్ గుణాలున్న మునగ నూనెను వాడటం మంచిదని ఆరోగ్య నిపుణులు సూచిస్తున్నారు. మునగ నూనె(Drumstick Leaf Oil) రక్తాన్ని శుభ్రపరుస్తుంది.
ఈ నూనెను వాడితే చర్మ సమస్యలుండవు. జుట్టు నెరవదు. కేశాలకు బలం చేకూరుతుంది. రోజూ మనం వాడే నూనెల్లో రెండు స్పూన్ల మేర మునగ నూనెను చేర్చి వాడితే.. ఆరోగ్యానికి మేలు జరుగుతుంది. ఇంకా కేశాలకు చుక్కల పరిమాణంలో ఈ నూనెను వాడినా మంచి ఫలితం వుంటుంది. తల మాడుకు ఈ నూనెను రాయడం ద్వారా హెయిర్ ఫాల్ తగ్గుతుంది.
గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
ఇది కూడా చదవండి: భూములు కొట్టేయాలని జగన్‌ ప్లాన్: బీజేపీ ఎంపీ అభ్యర్థి సీఎం రమేష్