Weight Loss: బరువు తగ్గాలంటే బాగా నిద్రపోవాలట.. లేటెస్ట్ రీసెర్చ్ రివీల్డ్.. 

Weight Loss: ఇటీవల ఒక  పరిశోధన వెలుగులోకి వచ్చింది.  ఇది వింటే నిద్ర ప్రియులకు భలే సంతోషంగా అనిపించవచ్చు. యూరోపియన్ హార్ట్ జర్నల్‌లో ప్రచురించిన ఒక పరిశోధన ప్రకారం, మీరు పగటిపూట 30 నిమిషాలు కూర్చోకుండా నిద్రపోతే, మీ శరీర బరువు తగ్గవచ్చు.

ఓహో సూపర్.. ఇదేదో బావుంది.. అని ఇది చదివిన వెంటనే దిండు.. బెడ్ షీట్ తీసుకుని గురక పెట్టేయకండి. అసలు నిద్ర పోవడం వలన బరువు ఎలా తగ్గుతారు అనే విషయాన్ని జాగ్రత్తగా అర్ధం చేసుకోండి. 

మీరు బరువు తగ్గాలనుకుంటే, మీ శరీరాన్ని కదిలించండి అని చెప్పడం మనం చిన్నప్పటి నుంచి వింటూ వస్తున్నాం.  పరుగు.. నడక.. ఆటలు.. వ్యాయామం ఇలా ఎదో ఒకటి చేస్తేనే బరువు పెరగకుండా ఉంటారు అని అందరూ చెప్పడం వింటూనే ఉన్నాం. సమతుల్య నిద్ర(Weight Loss) అనేది మన జీవితంలో చాలా ముఖ్యమైన భాగమని మనకు తెలుసు. అయితే మనం తగినంత నిద్రపోతున్నామా? స్థానిక వర్గాల పరిశోధన ఈ విషయంలో భిన్నమైన కథను చెబుతోంది. ఈ పరిశోధనలో 55% మంది భారతీయులు అవసరమైన నిద్ర కంటే తక్కువ అంటే సగటున 6 గంటలు నిద్రపోతున్నారని తేలింది. అంతేకాదు, 21% మంది కేవలం 4 గంటలు మాత్రమే నిద్రపోగలుగుతున్నారు.

తగినంత నిద్ర లేకపోవటం వల్ల అనేక నష్టాలు ఉన్నాయి. నిద్ర కూడా తిండి లాంటిదే. ఎక్కువ తింటే నష్టం.. తక్కువ తింటే మరింత కష్టం. సేమ్ అలాగే నిద్ర కూడా.. అతి నిద్ర ఎంత ప్రమాదమో.. నిద్ర తక్కువ కావడం కూడా అంత అనారోగ్యాన్ని తీసుకువస్తుంది. అందుకే సమతుల్య నిద్ర చాలా అవసరం.

Also Read: బట్టలు లేకుండా నిద్రపోతే ఎన్నో లాభాలు.. తెలిస్తే షాకవుతారు!

 నిద్రకు సంబంధించి ఈ పరిశోధనలో ఇంకా ఏమి వెలుగులోకి వచ్చింది, మనం అర్థం చేసుకుందాం. 

ఐరోపా హార్ట్ జర్నల్ ఈ పరిశోధన ఐదు దేశాలకు చెందిన సుమారు 15 వేల మందిపై జరిగింది. ఇందులో ప్రజల నిద్ర, మేల్కొనే సమయం, కూర్చొని పని చేసే సమయం - వ్యాయామం నిరంతరం పర్యవేక్షించారు. అలాగే, ఈ కార్యకలాపాలు వారి కొలెస్ట్రాల్, రక్తంలో చక్కెర స్థాయి - BMI అనగా బరువుతో ముడిపడి ఉన్నాయి. ఈ పరిశోధనలో వెలుగు చూసిన విషయాలను ఒక్కొక్కటిగా అర్థం చేసుకుందాం.

1. కూర్చోవడం, నిద్రపోవడం, వ్యాయామం చేయడం లేదా నిలబడి పనిచేయడం వంటి వాటికి బదులుగా చాలా గంటలు మేల్కొని ఉండే వ్యక్తులు ఇతరుల కంటే ఎక్కువ బరువు(Weight Loss) పెరిగారు.  వారి ఆరోగ్యం కూడా వ్యతిరేకంగా ప్రభావం అయింది. అంటే, అరగంట పాటు నిద్రపోవడం లేదా అరగంట పాటు కూర్చోవడానికి బదులుగా వ్యాయామం చేయడం ఎంచుకున్న వ్యక్తులు, ఇతరుల కంటే తక్కువ బరువు - మెరుగైన ఆరోగ్యాన్ని కలిగి ఉన్నట్లు రీసెర్చ్ తేల్చింది. 
2. పరిమితికి మించి నిద్రపోయేవారు - వ్యాయామం చేసే సమయాన్ని నిద్రలో గడిపే వ్యక్తులు, వారి ఆరోగ్యం - బరువు విషయంలో ప్రతికూలంగా ప్రభావితమయ్యారు. వారి బరువు - కొలెస్ట్రాల్ రెండూ పెరిగినట్లు కనుగొన్నారు. 

అంటే ఆ సమయంలో కూర్చొని ఫోన్ వాడకుండా నిద్రపోతే మనకు మరింత ఆరోగ్యంగా ఉంటుంది. అదే సమయంలో, వ్యాయామం చేయడానికి బదులుగా మనం నిరంతరం నిద్రపోతే, ఇది ఆరోగ్యానికి కూడా మంచిది కాదు. వ్యాయామం తో పాటు చక్కని నిద్ర కూడా ఉంటేనే బరువు తగ్గే ఛాన్స్ ఉంటుంది. బాగా వ్యాయామం చేసి.. రోజులో నాలుగు గంటలే నిద్రపోవడం వలన ఫలితం ఉండదు. లేదా పన్నెండు గంటలు నిద్రపోయినా బరువు తగ్గడం జరగదు. కనీసం 8 గంటల నిద్ర ఉన్నవారికే వ్యాయమ ఫలితాలు చక్కగా అందుతాయి. 

Watch this interesting Video: