లోటస్‌పాండ్‌లో విజిలెన్స్ కమిషనర్ తనిఖీలు

హైదరాబాద్‌ లోటస్‌పాండ్‌లో నిర్మాణాలను విజిలెన్స్ కమిషనర్ రంగనాథ్‌ ఈ రోజు పరిశీలించారు. నిన్న జీహెచ్ఎంసీ విజిలెన్స్ కమిషనర్ గా బాధ్యతలు స్వీకరించిన రంగనాథ్.. ఆ మరుసటి రోజే ఆకస్మిక తనిఖీలు చేపట్టడం చర్చనీయాంశమైంది. ఈ సందర్భంగా బఫర్ జోన్‌లో చేపట్టిన నిర్మాణాలపై రంగనాథ్ సీరియస్‌ అయ్యారు. చెరువుల ఆక్రమణలకు పాల్పడితే కఠిన చర్యలు ఉంటాయని వార్నింగ్ ఇచ్చారు.

ఇటీవల లోటస్‌పాండ్‌లోని మాజీ సీఎం జగన్‌ నివాసం ముందు సెక్యూరిటీ ఔట్ పోస్ట్ కూల్చివేసిన విషయం తెలిసిందే. ఆ తర్వాత జోనల్ కమిషనర్‌పై చర్యలు తీసుకున్నారు. తాజాగా మరోసారి లోటస్‌పాండ్‌లో నిర్మాణాల పరిశీలన చేపట్టడం చర్చనీయాంశమైంది.