గాలె స్టేడియం వేదికగా పాకిస్థాన్-శ్రీలంక జట్ల మధ్య జరుగుతున్న తొలి టెస్టులో ఓ సరదా ఘటన ఆటగాళ్లతో పాటు ఆడియన్స్కు నవ్వులు తెప్పించింది. 120 ఓవర్లో రమేశ్ మెండిస్ వేసిన 5వ బంతి పాక్ బ్యాటర్ అబ్రార్ గ్లవ్ తాకి ప్యాడ్లో ఇరుక్కుపోయింది. దీంతో లంక ప్లేయర్లంతా ఎల్బీడబ్ల్యూ కోసం అప్పీల్ చేశారు. అయితే బంతి అబ్రార్ ప్యాడ్లో ఇరుక్కుపోయిన సంగతి గమనించిన వికెట్ కీపర్ సదీర సమరవిక్రమ.. బంతిని తీసుకునేందుకు తీవ్రంగా ప్రయత్నించాడు. కానీ అబ్రార్ మాత్రం ముందుకు వస్తూ బంతి దొరక్కుండా క్రీజు నుంచి దూరం జరిగాడు. ఈలోపు బంతి కిందపడింది. స్టంప్ అవుట్ కాకుండా మళ్లీ వెంటనే క్రీజు వైపు పరిగెత్తాడు. ఈ సీన్ చూసిన ఇరు జట్ల ఆటగాళ్లు తెగ నవ్వుకున్నారు. ఇందుకు సంబంధించిన వీడియో తెగ వైరల్ అవుతోంది. పాకిస్థాన్ కెప్టెన్ బాబర్ ఆజమ్ అయితే నవ్వు ఆపుకోలేకపోయాడు.
SL vs PAK Test: సరదా ఘటన.. క్యాచ్ పట్టేందుకు కీపర్ ఇలా.. దొరక్కుండా బ్యాటర్ అలా
క్యాచ్ మిస్.. మ్యాచ్ మిస్.. అని మాజీ క్రికెటర్లు చెబుతూ ఉంటారు. ఇలా క్యాచ్ మిస్ చేసిన అనేక మ్యాచుల్లో విజయాలు కూడా తారుమారు అయ్యాయి. అందుకే ఫీల్డర్లు క్యాచ్ పెట్టేందుకు తీవ్రంగా కృషి చేస్తూ ఉంటారు. కొన్నిసార్లు అలాంటి ఘటనలు నవ్వులు కూడా తెప్పిస్తూ ఉంటాయి. తాజాగా లంక-పాక్ టెస్టు మ్యాచులో ఇలాంటి ఫన్నీ ఇన్సిడెంట్నే జరిగింది.
Translate this News: