Food Inflation: పప్పులు.. గోధుమలు ధరలు పెరిగే ఛాన్స్.. ఎందుకంటే.. 

Food Inflation: ఒకవైపు అంతర్జాతీయ మార్కెట్‌లో బియ్యం ధరలు ఇప్పటికే 15 ఏళ్ల గరిష్టానికి చేరాయి. మరోవైపు, మన దేశంలో  సాధారణ ప్రజలు పిండి - పప్పులపై ద్రవ్యోల్బణం  భారాన్ని ఎదుర్కునే అవకాశం కనిపిస్తోంది. గోధుమలు, పప్పుల ఉత్పత్తి తగ్గడమే ఇందుకు ప్రధాన కారణంగా చెప్పవచ్చు. అవును, గోధుమలు - పప్పుధాన్యాల పంటలు ఎక్కువ విస్తీర్ణంలో విత్తడం జరగలేదు. ఇప్పటివరకు గోధుమలు విత్తడం 5 శాతానికి పైగా తగ్గింది. మరోవైపు కందుల విత్తనాలు 8 శాతం వరకు తగ్గాయి. అయితే వర్షాలు కురిసిన తర్వాత ఈ లోటును పూడ్చవచ్చని ప్రభుత్వం భావిస్తోంది. ఇది జరగకపోతే దేశంలో పిండి, పప్పు ధరలు పెరుగుతాయి. దీని వల్ల దేశంలో ద్రవ్యోల్బణంమరింతగా ఇబ్బంది పెట్టె పరిస్థితి రావచ్చు. 

గోధుమ సాగు తగ్గింది.. 

సంబంధిత వర్గాలు చెబుతున్నదాని ప్రకారం దేశంలో గోధుమలు - పప్పుధాన్యాలను విత్తడంలో భారీ తగ్గుదల ఉంది. వాస్తవానికి వర్షాభావ పరిస్థితుల కారణంగా నాట్లు దెబ్బతిన్నాయి. ఆ సమాచారం ప్రకారం, దేశంలో గోధుమ విత్తనాలు 5 శాతం తగ్గాయి. ఈ ఏడాది ఇప్పటి వరకు 141 లక్షల హెక్టార్లలో గోధుమలు సాగయ్యాయి. గత ఏడాది ఇదే కాలంలో 149 లక్షల హెక్టార్లలో గోధుమలు సాగయ్యాయి.

Also Read: మళ్ళీ లక్షన్నరకోట్లకు పైగా.. జీఎస్టీ వసూళ్ల పరుగు.. 

పప్పుధాన్యాలదీ  అదే దారి.. 

మరోవైపు పప్పుధాన్యాలు కూడా ద్రవ్యోల్బణం సంక్షోభాన్ని ఎదుర్కొంటున్నాయి. ఈ ఏడాది పప్పుధాన్యాల విత్తనం 8 శాతం తగ్గినట్లు గణాంకాలు చెబుతున్నాయి. ఇప్పుడు దేశంలో 940 లక్షల హెక్టార్లలో పప్పుధాన్యాలు సాగయ్యాయి. కాగా, గతేడాది ఇదే కాలంలో 103 లక్షల హెక్టార్లలో నాట్లు వేశారు. అంటే ఈ ఏడాది పప్పుధాన్యాల ఉత్పత్తి గణనీయంగా తగ్గే అవకాశం ఉంది. దీని వల్ల దేశంలో ద్రవ్యోల్బణం పెరిగే అవకాశం ఉంది.

వర్షంపై ప్రభుత్వ ఆశలు

ఇప్పటి వరకు రెండు పంటలకు సరిపడా వర్షాలు కురవలేదు. వర్షాలు కురిస్తేనే కొరత భర్తీ అవుతుందని ప్రభుత్వం భావిస్తోంది. కానీ నిపుణుల అంచనాల ప్రకారం ఆ  అవకాశాలు తక్కువగా ఉన్నాయి. విత్తనాలు పెరగకపోతే దేశంలో పప్పులు -  గోధుమలు లేదా పిండి,  పప్పుల ధరలు పెరగవచ్చు. దీని కారణంగా మనం దేశంలో ద్రవ్యోల్బణం రేటు పెరుగుదలను చూడవచ్చు. ఇటీవలి నెలల్లో, దేశంలోని ప్రజలు టమోటాలు,  ఉల్లిపాయల ధరల మోత ఎదుర్కోవలసి వచ్చింది. సకాలంలో వర్షాలు పడకపోతే, రెండు పంటలు నాట్లు పెరగకపోతే సామాన్యుల కిచెన్ బడ్జెట్ పెరుగుతుంది.

Watch this latest Video: