వర్షాకాలంలో జుట్టు రాలుతుందా? ఇలా చేయండి..ఒకవెంట్రుక ఊడదు..!!

వర్షాకాలంలో అనారోగ్య సమస్యలతోపాటు.. జుట్టు రాలే సమస్య కూడా ఎక్కువే ఉంటుంది. వాతావరణంలో అధిక తేమ స్థాయిలు మన స్కాల్ప్ జిడ్డుగా మారడానికి కారణమవుతాయి. ఇది ఫంగల్ ఇన్ఫెక్షన్లకు సంతానోత్పత్తి ప్రదేశం. ఈ ఇన్ఫెక్షన్లు జుట్టు మూలాలను బలహీనపరచడంతో జుట్టు రాలడానికి కారణమవుతాయి. వర్షపు నీటిలో జుట్టుకు హాని కలిగించే కాలుష్య కారకాలు,మలినాలు ఉంటాయి. అదనంగా, గాలిలో ఉండే అధిక తేమ జుట్టు తంతువులను బలహీనపరుస్తుయాని నిపుణులు చెబుతున్నారు.

వర్షపు నీటి నుండి మీ జుట్టును కాపాడుకోండి:
వర్షపు నీటిలో మీ జుట్టుకు హాని కలిగించే కాలుష్య కారకాలు, రసాయనాలు ఉంటాయి. మీరు వర్షంలో బయటకు వచ్చినప్పుడు వర్షపు నీరు మీ జుట్టుపై పడకుండా మీ జుట్టును స్కార్ఫ్‌లో చుట్టండి లేదా గొడుగు పట్టుకోండి. ఒకవేళ మీరు వర్షం కారణంగా తడిసిపోయినట్లయితే ఇంటికి వచ్చిన వెంటనే గోరువెచ్చని నీటితో మీ జుట్టును శ్రభం చేసుకోండి.

షాంపూను వాడండి:
మీ స్కాల్ప్‌ను శుభ్రంగా, ఎలాంటి ఫంగల్ ఇన్‌ఫెక్షన్లు లేకుండా ఉంచడానికి తేలికపాటి షాంపూతో మీ జుట్టును క్రమం తప్పకుండా శుభ్రం చేసుకోండి. తేమ కారణంగా తలపై పేరుకుపోయిన జిగురు, మురికిని తొలగించేందుకు తేలికపాటి షాంపూను వాడండి. అధిక గాఢత ఉన్న షాంపూలను ఉపయోగించినట్లయితే జుట్టు పొడిబారిపోతుంది.

జుట్టును క్రమం తప్పకుండా కత్తిరించండి:
రెగ్యులర్ హెయిర్ ట్రిమ్ చేయడం వల్ల చివర్లు చీలిపోవడాన్ని నివారించవచ్చు. ఇలా చేయడం వల్ల మీ జుట్టు ఆరోగ్యంగా కనిపించడమే కాకుండా జుట్టు చిట్లడం, జుట్టు రాలడం వంటి సమస్యల నుండి ఉపశమనం పొందుతుంది.

హెయిర్ స్టైలింగ్ చేయడం మానుకోండి:
బ్లో డ్రైయర్‌లు, హాట్ దువ్వెనలు లేదా కర్లింగ్ ఐరన్‌లు వంటి స్టైలింగ్ సాధనాలను ఉపయోగించడం వల్ల మీ జుట్టు దెబ్బతింటుంది. కాబట్టి ఈ అలవాట్లను తగ్గించుకోండి. ఈ సాధనాలు మీ జుట్టు నుండి తేమను తొలగించడమే కాకుండా మీ జుట్టును బలహీనపరుస్తాయి.

వీటితోపాటు మీ జుట్టును ఆరోగ్యంగా ఉంచేందుకు ఓట్స్, కొబ్బరిపాలు, తేనెను మిక్స్ చేసి మీ జుట్టుకు రాసుకోండి. రెండు స్పూన్ల తేనె, ఒక కప్పు పచ్చిపాలలో ఒక చెంచా ఓట్స్ కలిపి ఈ ప్యాక్ ను మీ జుట్టుకు రాసుకోండి. దాదాపు అరగంటపాటు అలాగే ఉంచి గోరువెచ్చని నీటితో శుభ్రం చేసుకోండి. ఇలా చేయడం వల్ల మీ జుట్టు ఊడే సమస్యే ఉండదు.