Flipkart UPI: ఫ్లిప్‌కార్ట్ యూపీఐ సర్వీస్ ప్రారంభించింది.. ఎలా యాక్టివేట్ చేసుకోవాలంటే.. 

Flipkart Launched UPI Payments: ఇ-కామర్స్ వెబ్‌సైట్ ఫ్లిప్‌కార్ట్ దాని యూనిఫైడ్ పేమెంట్ ఇంటర్‌ఫేస్ అంటే UPI సర్వీస్ ను  ప్రారంభించింది. దీని ద్వారా వినియోగదారులు QR కోడ్ సహాయంతో పేమెంట్స్  చేయడం, ఎలక్ట్రిక్ బిల్ పేమెంట్స్, మొబైల్ రీఛార్జ్ వంటి డిజిటల్ సర్వీసులను ఉపయోగించుకోవచ్చు. అంతేకాదు.. ఫ్లిప్‌కార్ట్ యూపీఐ నుంచి చేసే మొదటి ఆర్డర్ పై 25 రూపాయల తగ్గింపు కూడా అందిస్తోంది. యూపీఐ సర్వీసుల కోసం కంపెనీ యాక్సిస్ బ్యాంక్‌తో భాగస్వామ్యం కుదుర్చుకుంది. ఈ విషయాన్ని కంపెనీ చీఫ్‌ కార్పొరేట్‌ వ్యవహారాల అధికారి రజనీష్‌ కుమార్‌ (Rajnish Kumar) తెలిపారు. రజనీష్ చెబుతున్న దాని ప్రకారం.. ఫ్లిప్‌కార్ట్ UPI దాని 50 కోట్ల రిజిస్టర్డ్ కస్టమర్లకు..  14 లక్షల మంది వ్యాపారులకు నేరుగా ప్రయోజనం చేకూరుస్తుంది.

Flipkart UPI ఇలా యాక్టివేట్ చేసుకోవచ్చు..

• ముందుగా మీ స్మార్ట్‌ఫోన్‌లో ఫ్లిప్‌కార్ట్ యాప్ (Flipkart APP) ఓపెన్ చేయండి.
• దీని తర్వాత 'స్కాన్ అండ్ పే' ఆప్షన్‌పై క్లిక్ చేయండి.
• ఇక్కడ మీరు 'MY UPI' ఎంపికను ఎంచుకోండి.
• దీని తర్వాత మీ బ్యాంక్ పేరును ఎంచుకోండి.
• ఇప్పుడు మీ బ్యాంక్ వివరాలను నమోదు చేయండి.
• ఇప్పుడు మీ వివరాల SMS ధృవీకరణ ఉంటుంది.
• దీని తర్వాత మీ Flipkart UPI యాక్టివేట్ అవుతుంది. 

Also Read: సామాన్యుడికి బస్టాప్ ఉండదు.. కానీ, అంబానీ కోసం.. ఇంటర్నేషనల్ ఎయిర్ పోర్ట్..  

రూపే క్రెడిట్ కార్డ్‌ని కూడా లింక్ చేయవచ్చు..
ఇది Paytm, PhonePe, Google, Amazon Pay వంటి ఇతర థర్డ్ పార్టీ UPI యాప్‌లపై ఆధారపడడాన్ని తగ్గిస్తుంది. మీరు దీన్ని రూపే క్రెడిట్ కార్డ్‌తో కూడా లింక్ చేయగలుగుతారు. ఇటీవల, ఫుడ్ అగ్రిగేటర్ జొమాటో కూడా తన UPI సేవను ప్రారంభించింది. ఇది కాకుండా టాటా న్యూ, మేక్ మై ట్రిప్, వాట్సాప్ కూడా తమ స్వంత UPI సర్వీసులను కలిగి ఉన్నాయి.

Flipkart 2016లో PhonePeని కొనుగోలు చేసింది.
Flipkart 2016లో పేమెంట్ సర్వీసులను అందించే PhonePe యాప్‌ని కొనుగోలు చేసింది. Flipkart యాజమాన్యం కింద, PhonePe భారతదేశపు ప్రసిద్ధ UPI చెల్లింపు యాప్‌గా ఉద్భవించింది. అయితే 2022లో రెండు కంపెనీలు విడిపోయాయి.

ఫిబ్రవరిలో 1,210 కోట్ల UPI లావాదేవీలు జరిగాయి.  దీని ద్వారా 18.30 లక్షల కోట్ల రూపాయలు ట్రాన్స్ ఫర్ అయ్యాయి.  గతేడాది ఫిబ్రవరితో పోలిస్తే 61 శాతం వృద్ధి నమోదైంది. అదే సమయంలో, జనవరిలో UPI ద్వారా 1,220 కోట్ల లావాదేవీలు జరిగాయి. ఇందులో రూ.18.41 లక్షల కోట్లు బదిలీ అయ్యాయి.