కొద్ది రోజుల్లో రానున్న వన్‌ప్లస్ మోడల్స్‌ ఫీచర్స్ గురించి తెలుసుకోెండి..

onepluse ఇటీవల భారతదేశంలో Nord CE 4ని విడుదల చేసింది. ఇప్పుడు ఈ కంపెనీ నుంచి Nord CE 4 Lite లైట్ వెర్షన్‌ కూడా త్వరలో మార్కెట్లోకి రానుంది. ఇది కాకుండా Nord 4 5G కూడా లాంచ్ అవడానికి సిద్ధంగా ఉంది. ప్రస్తుతం ఈ రెండు ఫోన్‌ల ఫీచర్ల గురించి కొంత సమాచారం వెలుగులోకి వచ్చింది.Qualcomm Snapdragon 7+ Gen 3 ప్రాసెసర్‌ని OnePlus Nord 4లో ఉంటుందని తెలుస్తోంది. అదే సమయంలో Qualcomm Snapdragon 6 Gen 1 ప్రాసెసర్ Nord CE 4 Liteలో రానుంది. ఇండియన్ టిప్‌స్టర్ యోగేష్ బ్రార్ ఈ రెండు ఫోన్‌ల ప్రాసెసర్ గురించి సోషల్ మీడియా ఎక్స్ వేదికగా సమాచారాన్ని పంచుకున్నారు. ఈ ఫోన్ ఇటీవలే చైనాలో 12GB/16GB RAM, 256GB/512GB స్టోరేజ్‌తో ప్రారంభించబడింది.

OnePlus Nord 4 ఫోన్ Android 14 ఆధారిత OxygenOSతో పని చేస్తుంది. ఈ ఫోన్‌ 6.74 అంగుళాల AMOLED డిస్‌ప్లే, 120Hz రిఫ్రెష్ రేట్ ఫీచర్లను కల్గి ఉంది. దీంతోపాటు 16GB LPDDR5x RAM, 512GB UFS 4.0 స్టోరేజ్‌తో రావచ్చు. ఈ స్మార్ట్‌ఫోన్ వెనుక భాగంలో డ్యూయల్ కెమెరా సెటప్‌ను చూడవచ్చు. 50MP ప్రధాన OIS కెమెరా, ఇది కాకుండా 8MP సెకండరీ కెమెరా ఉంటుంది. సెల్ఫీలు, వీడియో కాలింగ్ కోసం 16MP కెమెరా కూడా ఉంటుంది. OnePlus స్మార్ట్‌ఫోన్ 5,500mAh బ్యాటరీతో 100W వైర్డ్ ఫాస్ట్ ఛార్జింగ్‌కు సపోర్ట్ చేస్తుంది. మరోవైపు OnePlus Nord CE 4 Lite గత సంవత్సరం ప్రారంభించిన Nord CE 3 Liteకి అప్‌గ్రేడ్‌గా వస్తున్నట్లు తెలుస్తోంది.