కెనడాలో ఘోరరోడ్డు ప్రమాదం, 15మంది మృతి, 10 మందికి గాయాలు..!!

కెనడాలో ఘోరరోడ్డు ప్రమాదం జరిగింది. మానిటోబా ప్రావిన్స్ లో జరిగిన రోడ్డు ప్రమాదంలో 15మంది మరణించారు. 10మందికి తీవ్రగాయాలయ్యాయి. వికలాంగులను తీసుకెళ్తున్న ప్రత్యేక వాహనాన్ని ట్రక్కు ఢీకొట్టడంతో ఈ ఘటన జరిగింది. రెస్య్కూటీం సహాయక చర్యలు చేపట్టింది.

కెనడాలోని మానిటోబా ప్రావిన్స్‌లో గురువారం జరిగిన రోడ్డు ప్రమాదంలో 15 మంది మరణించారు. పది మందికి గాయాలయ్యాయి. ట్విట్టర్ ద్వారా సమాచారం ఇస్తూ, కెనడియన్ పోలీసులు విన్నిపెగ్‌కు పశ్చిమాన ఉన్న కార్బెర్రీ సమీపంలో ఘోర రోడ్డు ప్రమాదం జరిగిందని తెలిపారు. వికలాంగులను తీసుకెళ్తున్న వాహనాన్ని ట్రక్కు ఢీ కొనడంతో ఈ ఘోర ప్రమాదం జరిగింది.

15మంది మరణించినట్లు ధృవీకరించామని మానిటోబా అధికారి రాబ్ హిల్ చెప్పారు. మినీ బస్సులో ఎక్కువ మంది వృద్ధులే ఉన్నారు. క్షతగాత్రులు సమీపంలోని ఆసుపత్రిలో చికిత్స పొందుతున్నట్లు తెలిపారు. ఈ ప్రమాదంపై కెనడా నేత హీథర్ స్టీఫెన్‌సన్ తన సంతాపాన్ని ట్వీట్ చేశారు. ఈ ప్రమాదం కారణంగా నా గుండె పగిలింది’ అని ట్వీట్ చేశాడు. ఈ ప్రమాదంపై అధికారులు విచారణ జరుపుతున్నట్లు వెల్లడించారు.