Stree 2 Teaser: 'ఓ స్త్రీ మమ్మల్ని కాపాడు'.. భయపెడుతున్న 'స్త్రీ 2' టీజర్..!

Stree 2 Teaser: బాలీవుడ్ నటి శ్రద్ధ కపూర్, రాజ్‌కుమార్‌ రావ్, పంకజ్ త్రిపాటి ప్రధాన పాత్రలో నటించిన చిత్రం 'స్త్రీ 1'. 2018 లో విడుదలైన ఈ చిత్రం బాలీవుడ్ బాక్స్ ఆఫీస్ వద్ద సంచలన విజయాన్ని సాధించింది. కామెడీ హర్రర్ నేపథ్యంలో ప్రేక్షకుల ముందుకు వచ్చిన ఈ చిత్రం ఏకంగా 180 కోట్ల వసూళ్లను రాబట్టింది. 2018లో అత్యధిక వసూళ్లు సాధించిన చిత్రాల్లో ఒకటిగా రికార్డు క్రియేట్ చేసింది.

'స్త్రీ 2'

ఇప్పుడు ఈ చిత్రానికి సీక్వెల్ గా 'స్త్రీ 2' రూపొందుతోంది. అమర్ కౌశిక్ దర్శకత్వం వహిస్తున్న ఈ సినిమాలో మళ్ళీ శ్రద్ధ కపూర్, రాజ్ కుమార్ ప్రధాన పాత్రలో నటిస్తున్నారు. మడాక్ ఫిల్మ్స్, జియో స్టూడియోస్ బ్యానర్ పై దినేష్ విజన్ నిర్మిస్తున్నారు. ప్రేక్షకులు ఎంతో ఆసక్తిగా ఎదురుచూస్తున్న ఈ సీక్వెల్ ఆగస్టు 15న విడుదల కానుంది.

'స్త్రీ 2' టీజర్

ఈ నేపథ్యంలో తాజాగా మూవీ టీజర్ రిలీజ్ చేశారు మేకర్స్.ఓ స్త్రీ మమ్మల్ని కాపాడు' అంటూ గోడలపై రాసిన రాతలతో భయపెడుతోంది టీజర్. శ్రద్ధా కపూర్ స్త్రీ పాత్రలో కనిపించబోతుంది. టీజర్ మధ్యలో సైలెన్స్ , సడెన్ గా కనిపించే దెయ్యం విజువల్స్ భయపెట్టేలా ఉన్నాయి. హర్రర్ జోనర్ ఇష్టపడేవారికి థియేటర్స్ లో ఈ సినిమా మంచి అనుభవం ఇవ్వబోతున్నట్లు టీజర్ చూస్తే అర్థమవుతోంది.

Also Read: Rajamouli: మోడ్రన్ మాస్టర్స్.. నెట్ ఫ్లిక్స్ లో రాజమౌళి డాక్యుమెంటరీ..! - Rtvlive.com