Prakash Raj: ఆ కేసులో ప్రకాశ్ రాజ్ కు ఈడీ నోటీసులు.. ఏం జరిగింది?

Prakash Raj: ప్రముఖ నటుడు ప్రకాశ్ రాజ్ కు కేంద్ర దర్యాప్తు సంస్థ ఈడీ సమన్లు జారీచేసింది. ప్రణవ్ జ్యువెల్లర్స్ గోల్డ్ పోంజీ స్కీమ్ కుంభకోణానికి సంబంధించి ఈ సమన్లు జరీ చేసినట్టు తెలుస్తోంది. నిజానికి ఈ గోల్డ్ స్కీమ్ కుంభకోణంపై పీఎంఎల్ఏ కింద ఈడీ దర్యాప్తు చేస్తోంది. ఈ గోల్డ్ పోంజీ స్కీమ్ కింద సుమారు రూ.100 కోట్ల మేర మోసం జరిగిందని ఆరోపణలున్నాయి.  నటుడు ప్రకాశ్ రాజ్ ప్రణవ్ జ్యువెల్లర్స్ కు బ్రాండ్ అంబాసిడర్ గా వ్యవహరించారు. అందువల్ల ప్రకాశ్ రాజ్ ను విచారించడం అవసరమని ఈడీ భావిస్తోంది. 

ఈడీ సోదాలు.. 

తమిళనాడులోని తిరుచ్చిలోని ప్రఖ్యాత ప్రణవ్ జ్యువెలర్స్ లో పీఎంఎల్ ఏ ఆధ్వర్యంలో నిర్వహించిన సోదాల్లో పలుకీలక  డాక్యుమెంట్లు లభ్యమయ్యాయని, ఇందులో సుమారు రూ.23.70 లక్షల అనుమానాస్పద లావాదేవీలు బయటపడ్డాయని ఈడీ వర్గాలు తెలిపాయి. అంతేకాదు ఈ సోదాల్లో 11 కిలోల 60 గ్రాముల బంగారు ఆభరణాలను కూడా ఈడీ స్వాధీనం చేసుకుంది. ఈ కేసులో నటుడు ప్రకాశ్ రాజ్(Prakash Raj)ను విచారణకు పిలిచారు. 10 రోజుల్లో ఈడీ ముందు ఆయన హాజరు కావాల్సి ఉంటుంది. ఆయనను చెన్నైలో విచారించనున్నారు.

Also Read: విక్రమ్‌ ‘ధృవ నక్షత్రం’కు మద్రాస్ హైకోర్టు షాక్.. రిలీజ్ పై ఉత్కంఠ

ఇదీ అసలు విషయం.. 

తిరుచ్చి ఆర్థిక నేరాల విభాగం ఎఫ్ఐఆర్ నమోదు చేయడంతో ప్రణవ్ జ్యువెలర్స్ పై  ఎన్ఫోర్స్మెంట్ డైరెక్టరేట్ పీఎంఎల్ఏ కింద కేసు నమోదు చేసింది. ఈ ఎఫ్ఐఆర్లో, ప్రణవ్ జ్యువెల్లర్స్ ప్రజలకు భారీ రాబడి ఇస్తామని హామీ ఇవ్వడం ద్వారా గోల్డ్ స్కీమ్ (గోల్డ్ స్కీమ్) లో సుమారు రూ .100 కోట్లు వసూలు చేసింది.  కానీ ఆ తర్వాత ప్రణవ్ జ్యువెల్లర్స్ తన మాట తప్పి తమిళనాడులోని అన్ని షోరూమ్స్ ను  రాత్రికి రాత్రే మూసివేసింది. చెన్నై, ఈరోడ్, నాగర్కోయిల్, మదురై, కుంబకోణం, పుదుచ్చేరి వంటి నగరాల్లో ప్రణవ్ జ్యువెలర్స్ కు  పెద్ద షోరూమ్లు ఉన్నాయి.  వీటి ద్వారా  ప్రజలు ఈ గోల్డ్ స్కీంలో  రూ .1 లక్ష నుంచి  రూ .1 కోటి వరకు పెట్టుబడి పెట్టారు. ఇలా పెట్టుబడి పెట్టినవారంతా మోసపోయారు. 

ప్రణవ్ జ్యువెల్లర్స్ కు బ్రాండ్ అంబాసిడర్ గా ప్రకాశ్ రాజ్.. 

ప్రకాశ్ రాజ్ ప్రణవ్ జ్యువెల్లర్స్ కు బ్రాండ్ అంబాసిడర్ గా వ్యవహరించారు. ఈ కంపెనీ ప్రకటనలకు ఆయనే ప్రచారకర్తగా వ్యవహరించారు. అయితే ప్రణవ్ జ్యువెలర్స్ కార్యకలాపాలు బయటపడిన వెంటనే ఆయన మౌనం వహించారు. అందువల్ల ఇప్పుడు ప్రకాశ్ రాజ్ కూడా దర్యాప్తు సంస్థ రాడార్ లో ఉన్నట్లు విశ్వసనీయ వర్గాల సమాచారం.

డొల్ల కంపెనీల ద్వారా రూ.100 కోట్లు

గోల్డ్ స్కీమ్ ద్వారా ప్రజల నుంచి వసూలు చేసిన రూ.100 కోట్లను ప్రణవ్ జ్యువెల్లర్స్ షెల్ కంపెనీల ద్వారా మళ్లించినట్లు ఈడీ గుర్తించింది. ప్రణవ్ జ్యువెల్లర్స్, అతని సహచరులు మోసపూరితంగా సంపాదించిన ఈ డబ్బును మరో షెల్ కంపెనీకి మళ్లించినట్లు దర్యాప్తులో తేలిందని, ఆ తర్వాత బుధవారం ప్రణవ్ జ్యువెలర్స్ ప్రాంగణాలపై దాడులు చేసినట్లు ఈడీ తెలిపింది.

Watch this interesting Video: