Vinayakudu: దేశం లోనే ఎత్తైన ఏకశిలా గణపతి ఎక్కడున్నాడో తెలుసా..?

గుల్బర్గా రాజధానిగా పాలించిన పశ్చిమ చాణిక్య రాజుల్లో ఒకడైన తైలంపురు ఈ గణేష్ విగ్రహాన్ని ఏర్పాటు చేయించారు. ఈ విగ్రహం చెక్కుతున్న సమయంలోనే తైలంపుడి తండ్రి విక్రమాదిత్యుడు చనిపోయినందువల ఆలయ నిర్మాణం మధ్యలో ఆగిపోయింది. అప్పటినుంచి ఈ భారీ విగ్రహం ఎండకి ఎండుతూ వానకు తడుస్తూ ఆరుబయటే ఉంటుంది. ఆవంచ గణపయ్యను ఉద్యమం సమయంలో సీఎం కేసీఆర్, జయశంకర్ కూడా సందర్శించారు. దీని అభివృద్ధికి కృషి చేస్తామని కూడా హామీ ఇచ్చారు. ఇక్కడ మరో విషయం ఏంటంటే ఈ విగ్రహం ఉన్న ఆవంచ గ్రామం మాజీ మంత్రి జడ్చర్ల ఎమ్మెల్యే లక్ష్మారెడ్డి సొంత ఊరు. అయినా కూడా ఇంతటి విశిష్టం కలిగిన విగ్రహానికి కనీసం నీడను కూడా ఏర్పాటు చేయలేకపోయారు అధికారులు. తెలంగాణ దేవాదాయ శాఖ ఈ గణేష్ విగ్రహం పై చలవ చూపాలని గ్రామస్తులు కోరుతున్నారు.

Also Read: ఎమ్మెల్యే కోటా ద్వారా తిరుమల శ్రీవారి దర్శనాలు పెంచిన ప్రభుత్వం