Dollar vs Rupee: రూపాయి టైమ్ బాలేదు.. డాలర్ తో పోలిస్తే మరింత దిగజారిపోయింది..

Dollar vs Rupee: దేశీయ మార్కెట్లలో ప్రతికూల ధోరణితో రూపాయి తన రికార్డు స్థాయి కనిష్టానికి చేరుకుంది. శుక్రవారం, ఇది US డాలర్‌తో పోలిస్తే 4 పైసల పతనాన్ని చూసింది. డాలర్‌కు 83.38 రూపాయల కనిష్ట స్థాయి వద్ద ముగిసింది. అంతకుముందు నవంబర్ 20న రూపాయి 9 పైసలు పడిపోయి డాలర్‌తో పోలిస్తే కనిష్ట స్థాయి 83.35 వద్ద ముగిసింది. ఫారిన్ ఎక్స్ఛేంజ్ ట్రేడర్ల ప్రకారం, విదేశీ నిధుల ప్రవాహం కారణంగా రూపాయిపై ఒత్తిడి ఉంది. ఇంటర్-బ్యాంకు ఫారెక్స్ మార్కెట్‌లో డాలర్‌తో రూపాయి రూ.83.34 వద్ద ప్రారంభమై ట్రేడింగ్ ముగిసే సమయానికి డాలర్‌తో రూ.83.38 వద్ద ముగిసింది. గురువారం డాలర్‌తో రూపాయి విలువ రూ.83.33 వద్ద ముగిసింది.

దిగుమతులు ఖరీదైనవి.. 

రూపాయి పతనం(Dollar vs Rupee) అంటే భారతదేశానికి వస్తువుల దిగుమతి ఖరీదైనదిగా మారుతుంది. అంతే కాకుండా అమెరికాలో ప్రయాణం చేయడం, చదువుకోవడం కూడా ఖరీదైంది అవుతుంది.  డాలర్‌తో రూపాయి విలువ 50 ఉన్నప్పుడు, అమెరికాలో భారతీయ విద్యార్థులు 50 రూపాయలకు 1 డాలర్‌ను పొందవచ్చనుకుందాం. ఇప్పుడు 1 డాలర్ కోసం విద్యార్థులు 83.38 రూపాయలు ఖర్చు చేయాల్సి ఉంటుంది. దీనివల్ల ఫీజుల నుంచి వసతి, ఆహారం, ఇతర విషయాలు అన్నీ ఖరీదైనవిగా మారతాయి. 

ఈ ఆర్థిక సంవత్సరంలో రూపాయి.. 

నవంబర్‌లో రూపాయి 0.1% పడిపోయింది. ప్రస్తుత ఆర్థిక సంవత్సరంలో రూపాయి 1.4% బలహీనపడగా, ప్రస్తుత క్యాలెండర్ సంవత్సరంలో ఇప్పటివరకు 0.7% పడిపోయింది. అయితే, ప్రస్తుత క్యాలెండర్ ఇయర్‌లో మొదటి 6 నెలల్లో విదేశీ ఇన్‌ఫ్లోలు బలంగా ఉండటంతో రూపాయి విలువ 0.16% పెరిగింది.

Also Read: టాటా పేరే ఓ నమ్మకం.. 3 వేల కోట్ల ఐపీవోకు లక్షన్నర కోట్ల రూపాయల స్పందన!

డాలర్ ఇండెక్స్ పతనం.. 

ఆరు ప్రధాన కరెన్సీలతో US డాలర్ స్థితిని ప్రతిబింబించే డాలర్ ఇండెక్స్ శుక్రవారం నాడు 104.16 నుండి 0.42% తగ్గి 103.48కి పడిపోయింది. అదే సమయంలో, బ్రెంట్ ముడి చమురు ఫ్యూచర్స్ ధర 0.66% పెరిగి బ్యారెల్కు $ 81.14 వద్ద ఉంది.

కరెన్సీ విలువ ఇలా నిర్ణయిస్తారు.. 

డాలర్‌తో పోలిస్తే ఏదైనా ఇతర కరెన్సీ విలువ తగ్గితే, కరెన్సీ పడిపోవడం, పతనం,  బలహీనపడటం అంటారు. ఆంగ్లంలో కరెన్సీ డిప్రిసియేషన్ అంటారు. ప్రతి దేశం అంతర్జాతీయ లావాదేవీలను నిర్వహించే విదేశీ కరెన్సీ నిల్వలను కలిగి ఉంటుంది. విదేశీ నిల్వల పెరుగుదల, తగ్గుదల ప్రభావం కరెన్సీ ధరపై కనిపిస్తోంది. భారత విదేశీ నిల్వల్లో డాలర్లు అమెరికా రూపాయి నిల్వలతో సమానంగా ఉంటే రూపాయి విలువ స్థిరంగా ఉంటుంది. మన డాలర్ తగ్గితే రూపాయి బలహీనపడుతుంది, పెరిగితే రూపాయి బలపడుతుంది. దీనిని ఫ్లోటింగ్ రేట్ సిస్టమ్ అంటారు.

Watch this interesting Video: