DLF Project : ప్రతి గంటకు 100 కోట్ల రూపాయల ఫ్లాట్స్.. DLF అమ్మకాల రికార్డ్.. 

DLF Project: కరోనా మహమ్మారి తర్వాత లగ్జరీ అపార్ట్‌మెంట్ల విక్రయాలు భారీగా పెరగడం గమనార్హం. తాజా సమాచారం ప్రకారం దేశంలోని సాధారణ ఫ్లాట్లతో పోలిస్తే లగ్జరీ ఫ్లాట్ల విక్రయాలు పెరిగాయి. ఇలాంటి పరిస్థితుల్లో దేశంలోని బడా రియల్‌ ఎస్టేట్‌ కంపెనీలు లగ్జరీ అపార్ట్‌మెంట్లపై ఆసక్తి చూపడం ప్రారంభించాయి. DLF తన ప్రాజెక్ట్ ఆఫర్‌కు ముందు మూడు రోజుల్లో అంటే ప్రీ-లాంచ్ సమయంలో 1,113 లగ్జరీ అపార్ట్‌మెంట్‌లను రూ.7,200 కోట్లకు విక్రయించింది. ఈ ప్రాజెక్ట్ కింద రెసిడెన్షియల్ ప్రాపర్టీలకు ఉన్న బలమైన డిమాండ్‌ను తీర్చడంలో కంపెనీ విజయం సాధించాలని కోరుకుంటోంది.

కంపెనీ ఇలా చెప్పింది.. 

కంపెనీ తన జాబితాను స్టాక్ ఎక్స్ఛేంజీలకు పంపింది. ఇందులో, గురుగ్రామ్‌లో తన కొత్త లగ్జరీ రెసిడెన్షియల్ ప్రాజెక్ట్ 'డిఎల్‌ఎఫ్ ప్రివానా సౌత్'ని (DLF Privana South) లాంఛనంగా ప్రారంభించే ముందు, రూ. 7,200 కోట్ల విలువైన ఫ్లాట్‌లను విక్రయించినట్లు కంపెనీ తెలిపింది. గత ఏడాది మార్చిలో మూడు రోజుల్లోనే 1,137 లగ్జరీ ఫ్లాట్లను రూ.8,000 కోట్లకు పైగా డీఎల్‌ఎఫ్ విక్రయించింది. ఈ అపార్ట్‌మెంట్ల ధర రూ.7 కోట్లు - అంతకంటే ఎక్కువ.

Also Read: బ్యాంకులో ఇబ్బంది.. కస్టమర్ కేర్ నో రెస్పాన్స్.. ఏం చేయాలి? 

DLF కొత్త ప్రాజెక్ట్

ఈ విజయం తర్వాత, DLF Project ఇప్పుడు కొత్త ప్రాజెక్ట్ 'DLF ప్రివానా సౌత్'ని ప్రవేశపెట్టింది. ఈ ప్రాజెక్ట్ గురుగ్రామ్‌లోని సెక్టార్ 76 - 77లో 25 ఎకరాలలో విస్తరించి ఉంది. ఈ ప్రాజెక్ట్ ప్రీ-లాంచ్ దశలో, అన్ని అపార్ట్‌మెంట్లు 72 గంటల్లో అమ్ముడయ్యాయని DLF తెలిపింది. ఈ ప్రాజెక్ట్ నాలుగు BHK అపార్ట్‌మెంట్‌లు,పెంట్‌హౌస్‌లతో సహా ఏడు టవర్‌లలో 1,113 విలాసవంతమైన నివాసాలను కలిగి ఉంది.

Watch this interesting Video: