Go First Airlines: గో ఫస్ట్ ఎయిర్‌లైన్స్ కి షాకిచ్చిన ఢిల్లీ హైకోర్టు

Go First Airlines: దివాలా తీసిన గో ఫస్ట్ ఎయిర్‌లైన్  కష్టాలు తీరడం లేదు. తాజాగా ఈ విమాన సంస్థకు  ఢిల్లీ హైకోర్టు (Delhi High Court) నుంచి పెద్ద ఎదురు దెబ్బ తగిలింది. కంపెనీ లీజుకు తీసుకున్న మొత్తం 54 విమానాల రిజిస్ట్రేషన్‌ను ఐదు రోజుల్లోగా రద్దు చేయాలని డైరెక్టర్ జనరల్ ఆఫ్ సివిల్ ఏవియేషన్ (డిజిసిఎ)ని కోర్టు ఆదేశించింది. అంతేకాకుండా విమానాలను నడపడాన్ని కూడా కోర్టు నిషేధించింది.

కోర్టు నిర్ణయం ప్రకారం, ఎయిర్‌లైన్ (Go First Airlines) రిజల్యూషన్ ప్రొఫెషనల్ (RP) ఆర్డర్‌ను సవాలు చేయకపోతే లేదా స్టే కోరకపోతే, ఎయిర్‌లైన్ మొత్తం 54 విమానాలను అద్దెదారులకు తిరిగి ఇవ్వవలసి ఉంటుంది. పెంబ్రోక్ ఏవియేషన్, యాక్సిపిటర్ ఇన్వెస్ట్‌మెంట్స్ ఎయిర్‌క్రాఫ్ట్ 2, EOS ఏవియేషన్ అలాగే SMBS ఏవియేషన్‌తో సహా ఇతర ఎయిర్‌క్రాఫ్ట్ లీజర్‌లు దాఖలు చేసిన పిటిషన్ ఆధారంగా కోర్టు ఈ నిర్ణయం తీసుకుంది. తమ విమానాలను తిరిగి పొందేందుకు అనుమతి కోరుతూ 2023 మేలో లీజుదారులు ఢిల్లీ హైకోర్టును ఆశ్రయించారు. నిషేధం కారణంగా విమానాలను విడుదల చేయలేమని తొలుత డీజీసీఏ చెప్పగా, ఆ తర్వాత డీజీసీఏ కోర్టు నిర్ణయం కోసం ఎదురుచూస్తోంది.

ఇది కూడా చదవండి: గతేడాది ఐటీ రిటర్న్స్ వేయలేదా? ఇప్పుడు రిటర్న్స్ ఫైల్ చేయవచ్చా? 

ఇంకా కోర్టు ఏమి చెప్పిందంటే..
విమానాల రిజిస్ట్రేషన్ పూర్తిగా రద్దు అయ్యి.. వాటిని అప్పగించడం చేయనంత వరకూ, విమానానికి సంబంధించిన అన్ని నిర్వహణ పనులను అద్దెదారులు - వారి అధీకృత ప్రతినిధులందరూ నిర్వహిస్తారని కూడా కోర్టు ఉత్తర్వుల్లో పేర్కొంది. ఎయిర్‌లైన్స్ - దాని ప్రతినిధులను ఏ పద్ధతిలోనైనా విమానయాన పరిశ్రమలోకి ప్రవేశించకుండా లేదా ఆపరేట్ చేయకుండా లేదా ఎగరకుండా కోర్టు నిషేధించింది. RP - గో ఫస్ట్(Go First Airlines) కూడా విమానం నుండి సామాను, విడి భాగాలు, పత్రాలు, రికార్డులు, మెటీరియల్ మొదలైనవాటిని తీసివేయడం, మార్చడం అలాగే బయటకు తీయడం కూడా నిషేధించింది కోర్టు.