/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/07/KEJRIWAL-jpg.webp)
అంగన్‌వాడీ వర్కర్లను శిక్షణ కోసం విదేశీ విద్యాసంస్థలకు పంపిస్తామని, తద్వారా పిల్లల సర్వతోముఖాభివృద్ధిలో వారు ముఖ్యపాత్ర పోషిస్తారని ముఖ్యమంత్రి అరవింద్ కేజ్రీవాల్ (Arvind Kejriwal) అన్నారు. గురువారం త్యాగరాజ్‌ స్టేడియంలో అంగన్‌వాడీ కేంద్రాల్లోని చిన్నారుల కోసం కౌన్సిల్‌ ఆఫ్‌ ఎడ్యుకేషనల్ రీసెర్చ్‌ అండ్‌ ట్రైనింగ్‌ (NCERT) రూపొందించిన ఎడ్యుకేషనల్ కిట్‌ (ఖేల్‌ పితర)ను ముఖ్యమంత్రి, మహిళా శిశు అభివృద్ధి, విద్యాశాఖ మంత్రి అతిషి (Atishi)ఆవిష్కరించారు. కార్యక్రమంలో కిట్‌లో పొందుపరిచిన పరికరాల వినియోగం గురించి సమాచారం అందించారు.
/rtv/media/post_attachments/wp-content/uploads/2023/07/KEJRIWAL-jpg.webp "publive-image")
స్టేడియంలోని ఆడిటోరియంలో వేలాది మంది అంగన్‌వాడీ కార్యకర్తల సమక్షంలో అంగన్‌వాడీ పిల్లల సర్వతోముఖాభివృద్ధికి రూపొందించిన ఎడ్యుకేషనల్ కిట్‌ను ముఖ్యమంత్రి, విద్యాశాఖ మంత్రి ఆవిష్కరించారు. అంగన్‌వాడీ కార్యకర్తలను శిక్షణ కోసం విదేశీ విద్యాసంస్థలకు పంపిస్తామని ముఖ్యమంత్రి చెప్పారు. అంతే కాకుండా పిల్లల అభివృద్ధికి సంబంధించిన పనుల్లో తప్ప మరే పనిలో పాలుపంచుకోకూడదన్నారు. కిట్‌లలో ఆట వస్తువులు, బొమ్మలు, అక్షరాస్యత వనరులు ఉంటాయని పేర్కొన్నారు. అన్ని పరికరాలను ఉపయోగించి ప్రోగ్రామ్ కూడా ఉంటుందని తెలిపారు. ఢిల్లీలోని ప్రభుత్వ పాఠశాలల మాదిరిగానే ఇక్కడి అంగన్‌వాడీ కేంద్రాలను సందర్శించేందుకు ప్రజలు వస్తారని సీఎం చెప్పారు.
అంగన్‌వాడీల్లోనే దేశ భవిష్యత్తు: విద్యాశాఖమంత్రి అతిషి
అంగన్‌వాడీలే దేశ భవిష్యత్తు అని విద్యాశాఖ మంత్రి అతిషి తెలిపారు. పిల్లలకు మొదటి టీచర్ తల్లి అని, రెండోది అంగన్ వాడీ కార్యకర్త అని అన్నారు. ఢిల్లీలోని 11,000 అంగన్‌వాడీ కేంద్రాల్లో కిట్‌లను అందజేయనున్నట్లు చెప్పారు. వీరిలో దాదాపు 1.7 లక్షల మంది పిల్లలు మూడు నుంచి ఆరేళ్లలోపు బాలల సంరక్షణ, విద్యను పొందుతున్నట్లు వెల్లడించారు. 7,500 అంగన్‌వాడీ కేంద్రాలకు కిట్‌ అందినట్లు చెప్పారు. కిట్‌లో పుస్తకాలు కూడా ఉన్నాయని.... ప్రతిదీ పిల్లల అభ్యాస సూత్రంపై నిర్మించబడినట్లు పేర్కొన్నారు.
అంగన్‌వాడీ కేంద్రాలను ప్రభుత్వం రాజకీయంగా వాడుకుంటోంది: బీజేపీ
ఢిల్లీ ప్రభుత్వం అంగన్‌వాడీ కేంద్రాలను రాజకీయాల కోసం వాడుకుంటోందని బీజేపీ ఆరోపించింది. రాష్ట్ర బీజేపీ అధ్యక్షుడు వీరేంద్ర సచ్‌దేవా మాట్లాడుతూ.. పాఠశాలల తర్వాత ఆప్ ప్రభుత్వం ఇప్పుడు అంగన్‌వాడీ కేంద్రాలను రాజకీయంగా ఉపయోగించుకునే ప్రయత్నం చేస్తోందన్నారు. దీనిని బీజేపీ వ్యతిరేకిస్తుందని తెలిపారు. అంగన్‌వాడీ కేంద్రంలోని చిన్నారులకు ఎడ్యుకేషనల్ కిట్‌లు అందజేయడం విశేషం. ఈ సాకుతో తల్లిదండ్రులను సంప్రదించి రాజకీయ లబ్ధి పొందే ప్రయత్నం చేస్తున్నారంటూ ఆరోపించారు. స్కూల్ మేనేజ్‌మెంట్ కమిటీ, మెగా పేటీఎం ద్వారా ఇప్పటికే ప్రభుత్వ పాఠశాలల్లో విద్యార్థుల తల్లిదండ్రులను సంప్రదిస్తున్నట్లు తెలిపారు.