స్పైడర్ మ్యాన్ లా ప్రయాణికుడి ప్రాణాలు కాపాడిన కండక్టర్!వీడియో వైరల్..

కేరళలో బస్సులో ప్రయాణిస్తున్న ఓ యువకుడి ప్రాణాలను కండక్టర్ స్పైడర్ మ్యాన్ లా కాపాడాడు. బస్సు గేటు వద్ద టికెట్ కోసం ఆ యువకుడు  కండక్టర్‌ వద్ద నిరీక్షస్తున్నాడు.ఆ సమకయంలో ప్రమాదవశాత్తు పడిపోతుండగా. కండక్టర్ ఏమాత్రం కంగారు పడకుండా.. ఎంతో చాకచక్యంగా వ్యవహరించి, ఒంటి చేత్తో అతడిని పట్టుకొని పైకి లాగాడు. దీంతోఆ యువకుడు ఊపిరి పీల్చుకున్నాడు. ఇక్కడ విశేషం ఏమిటంటే.. కండక్టర్ అతనివైపు చూడకుండానే చెయ్యి అందించి, సూపర్ హీరోలా కాపాడటం!

ఈ ఘటనకు సంబంధించిన దృశ్యాలు బస్సులో అమర్చిన సీసీటీవీ కెమెరాలో రికార్డ్ అయ్యాయి. ప్రస్తుతం ఈ వీడియో సోషల్ మీడియాలో వైరల్ అవుతోంది. సినిమాల్లో హీరోలా తరహాలో కండక్టర్ ఆ యువకుడిని కాపాడటంతో.. అందరూ ఆయన్ను కొనియాడుతున్నారు. స్పైడర్‌మ్యాన్ తరహాలోనే ఆ అబ్బాయిని కండక్టర్ కాపాడాడంటూ ప్రశంసలతో ముంచెత్తుతున్నారు.