CM Revanth Reddy: అమెరికాలో సీఎం రేవంత్ కు ఘన స్వాగతం

తెలంగాణ ఆర్థికాభివృద్ధికి, ఉద్యోగ ఉపాధి కల్పనకు దోహదపడేలా పెట్టుబడులు తీసుకురావడం, వ్యూహత్మక భాగస్వామ్యాలు చేసుకోవడమే లక్ష్యంగా సీఎం రేవంత్ రెడ్డి అమెరికా పర్యటన ప్రారంభమైంది. న్యూయార్క్ ఎయిర్ పోర్టుకు చేరుకున్న ముఖ్యమంత్రి బృందానికి ఘన స్వాగతం లభించింది. అమెరికాతో పాటు దక్షిణ కొరియాలోనూ వారు పర్యటిస్తారు. కీలకమైన న్యూయర్క్ నగరం నుంచే పెట్టుబడుల సాధన పర్యటన ప్రారంభించడం సముచితంగా భావిస్తున్నానని రేవంత్ అన్నారు.

అమెరికా చేరుకున్న ముఖ్యమంత్రి రేవంత్ రెడ్డి..@revanth_anumula@INCTelangana#Telangana#CM#revanthreddy#USA#RTVpic.twitter.com/ib0AERs9a6

— RTV (@RTVnewsnetwork) August 4, 2024

ప్రవాస భారతీయులైన ఇక్కడి మన తెలుగు సోదర సోదరీమణులు గుండెల నిండా ప్రేమ, ఆప్యాయతలతో స్వాగతం పలకడానికి వచ్చారని సంతోషం వ్యక్తం చేశారు. రానున్న 10 రోజులపాటు అమెరికా, దక్షిణ కొరియాలోని వివిధ నగరాల్లోని ప్రభుత్వ, ప్రైవేటు వ్యాపార ప్రముఖులతో సీఎం రేవంత్ సమావేశాలు, చర్చలు జరపనున్నారు. సీఎం వెంట పరిశ్రమలు, ఐటీ శాఖ మంత్రి దుద్దిళ్ల శ్రీధర్ బాబు ఉన్నతాధికారులు ఉన్నారు.