CM Revanth: జాకీ అంటే రేవంత్‌కు ఎంత ఇష్టమో.!

CM Revanth Reddy Pet Dog: మొన్నటివరకు ఆయనో ఎంపీ. ఫైర్‌ బ్రాండ్‌గా పేరుంది కానీ.. ఆయన వ్యక్తిగత జీవితం గురించి ప్రజలు పెద్దగా చర్చించుకునేవారు కాదు. ఆయన రాజకీయ అడుగులను నిశితంగా పరీశిలించేవారు కానీ ఇంటి విషయాలపై పెద్దగా ఆసక్తి చూపించేవారు కాదు. కానీ రేవంత్‌రెడ్డి సీఎం అవతారం ఎత్తిన తర్వాత మొత్తం మారిపోయింది. ఆయన రాజకీయంగా వేసే అడుగులే కాదు.. వ్యక్తిగత విషయాలపైనా ప్రజలు తెగ ఇంట్రెస్టూ చూపిస్తున్నారు.

Also Read: హైదరాబాద్‌కి సింహం లాంటి కుక్క.. ధర రూ.20 కోట్లు..!

'మావా రేవంత్‌ రెడ్డి ఇల్లు ఎక్కడో తెలుసా' అని ఫ్రెండ్స్‌ బస్సుల్లో ప్రయాణిస్తు, బైకులపై వెళ్తు మాట్లాడుకుంటున్నారు. 'రేవంత్‌ది లవ్‌ మ్యారేజ్‌ అంట.. నీకు తెలుసా' అని కూడా డిస్కషన్‌ పెట్టుకుంటున్నారు. ఇక ప్రేమ, పెళ్లి, ఇల్లు టాపిక్‌తోనే సరిపెట్టుకోవడం లేదు ప్రజలు.. రేవంత్‌రెడ్డి ఇంట్లోని పెంపుడు కుక్కపైనా ఇప్పుడు డిస్కషన్‌ జరుగుతోంది. మొన్నటివరకు రేవంత్‌ సన్నహితులకు మాత్రమే తెలిసిన 'జాకీ(కుక్క పేరు)' ఇప్పుడు రాష్ట్రవ్యాప్తంగా ట్రెండింగ్‌ టాపిక్‌ అయ్యింది. ఎందుకంటే రేవంత్‌కు కుక్కంటే అమితమైన ప్రేమ..!

కుక్కంటే ప్రేమ:
తెలంగాణ సీఎం రేవంత్ రెడ్డి తమ్ముడు తిరుపతి రెడ్డి హైదరాబాద్ నుంచి 'జాకీ' అనే కుక్కను బహుమతిగా ఇచ్చారు. నాలుగున్నర సంవత్సరాలుగా ఆ కుక్కను రేవంత్ రెడ్డి ఎంతో ప్రేమగా చూసుకుంటున్నారు. రేవంత్‌ వెహికల్ సౌండ్ రాగానే జాకీ వెంటనే వచ్చి సీఎంని హగ్ చేసుకుంటుంది. ఇంట్లో మనుషులను ఎంత ప్రేమిస్తారో.. జాకీను కూడా అంతే ప్రేమగా చూసుకుంటారు రేవంత్‌.