Year Ender: 2024లో విడాకులతో బంధం ముగించిన సెలెబ్రెటీలు వీళ్ళే

ప్రముఖ తమిళ నటుడు జయం రవి 2024 సెప్టెంబర్ లో తన భార్య ఆర్తి నుంచి విడాకులు తీసుకున్నారు.

ఆస్కార్ విజేత సంగీత దర్శకుడు ఏఆర్ రెహ్మాన్ ఆయన భార్య సైరా భాను విడాకులు తీసుకున్నారు. 1995 లో వివాహం చేసుకున్న ఈ జంట దాదాపు 25 ఏళ్ళ వైవాహిక జీవితం తర్వాత విడాకులు ప్రకటించడం అందరినీ ఆశ్చర్యానికి గురిచేసింది.

నటి నటాసా స్టాంకోవిక్, భారత క్రికెటర్ హార్దిక్ పాండ్య జులై 18న తమ విడాకులను ప్రకటించారు. 2020లో ప్రేమించి పెళ్లి చేసుకున్న ఈ జంట నాలుగేళ్ళ తరవాత తమ వివాహ బంధానికి ముగింపు పలికారు. వీరిద్దరికీ అగస్త్య అనే కొడుకు ఉన్నాడు.

2013లో తన స్కూల్‌మేట్, గాయని సైంధవిని వివాహం చేసుకున్న మ్యూజిక్ డైరెక్టర్ జీవీ ప్రకాష్ 13 మే 2024న విడాకులు ప్రకటించారు. వీరికి 2020లో అన్వి అనే కుమార్తెకు పుట్టింది.

హీరో ధనుష్, ఆయన భార్య ఐశ్వర్య రజినీకాంత పెళ్ళైన 20 సంవత్సరాల తర్వాత 2024 నవంబర్ 27న విడాకులు తీసుకున్నారు. చెన్నైలోని ఫ్యామిలీ కోర్టు వీరికి విడాకులు మంజూరు చేసింది.

సానియా మీర్జా ఈ ఏడాది జనవరిలో తన భర్త షోయబ్ మాలిక్ నుంచి విడిపోతున్నట్లు ప్రకటించింది. ఆ తర్వాత షోయబ్ మాలిక్ సనా జావేద్‌ ను జూన్ లో రెండవ వివాహం చేసుకున్నారు.

నటి ఉర్మిలా మటోండ్కర్ సెప్టెంబర్‌లో తన భర్త మోహసిన్ అఖ్తర్ మిర్‌తో విడాకులు అనౌన్స్ చేసింది. పెళ్ళైన 8 సంవత్సరాలు తర్వాత ఈ జంట విడిపోయింది.