Tollywood: సైలెంట్ గా పెళ్లి చేసుకున్న టాలీవుడ్ హీరో.. నెట్టింట ఫొటోలు వైరల్!

2024 అక్టోబర్ లో ఎంగేజ్మెంట్ చేసుకున్న ఈ జంట 2025 ఆగస్టు 14న మూడు ముళ్ళ బంధంతో ఒకటయ్యారు.

ఇందుకు సంబంధించిన ఫొటోలను నటుడు విశ్వంత్ తన సోషల్ మీడియా ద్వారా అభిమానులతో పంచుకున్నాడు. దీంతో నెటిజన్లు, సెలబ్రెటీలు ఈ క్యూట్ కపుల్ కి విషెష్ తెలియజేస్తున్నారు.

ప్రస్తుతం వీరి వెడ్డింగ్ ఫొటోలు సోషల్ మీడియాలో బాగా వైరల్ అవుతున్నాయి. కుటుంబ సభ్యులు, సన్నిహితుల మధ్య వీరి వివాహ వేడుకలు ఘనంగా జరిగాయి.

ఇదిలా ఉంటే నటుడు విశ్వంత్ దిల్ రాజు బ్యానర్ లో తెరకెక్కిన 'కేరింత' సినిమాతో తెలుగు ఇండస్ట్రీలోకి అడుగుపెట్టాడు. ఈ సినిమాతో మంచి గుర్తింపు తెచ్చుకున్న విశ్వంత్.. ఆ తర్వాత వరుస అవకాశాలు అందుకున్నాడు.

హీరోగా, క్యారెక్టర్ ఆర్టిస్టుగా పలు సినిమాల్లో నటించి తన టాలెంట్ ప్రూవ్ చేసుకున్నాడు. రీసెంట్ గా రామ్ చరణ్ 'గేమ్ చేంజర్' మూవీలో కీలక పాత్రలో అలరించాడు.

నాని 'జెర్సీ' సినిమాలో కూడా విశ్వంత్ పాత్రకు మంచి గుర్తింపు వచ్చింది. ఇందులో నానితో పాటు ఒక క్రికెటర్ గా కనిపించాడు.

తెలుగులో తోలుబొమ్మలాట, ఆ అమ్మాయి గురించి మీకు చెబుతా, మ్యాచ్ ఫిక్సింగ్, ఓ పిట్ట కథ, బాయ్ ఫ్రెండ్ ఫర్ హైర్, కథ వెనక కథ, వంటి సినిమాల్లో న‌టించాడు.

సినిమాలతో పాటు వెబ్ సీరీస్ లలోనూ నటించాడు విశ్వంత్. ఇటీవలే హైడ్ అండ్ సీక్ అనే క్రైమ్ థ్రిల్లర్ డ్రామాలో తన నటనతో ఆకట్టుకున్నాడు. 'ఆహా' లో ప్రసారమైన ఈ సీరీస్ మంచి రెస్పాన్స్ సొంతం చేసుకుంది.

Image Credits: Viswant Duddumpudi/Instagram