Jananaayagan: దళపతి విజయ్‌ ‘జన నాయకుడు’కు సెన్సార్ కష్టాలు.. మద్రాస్ హైకోర్టులో పిటిషన్!

Jananaayagan: దళపతి విజయ్‌(Thalapathy Vijay) హీరోగా నటిస్తున్న భారీ చిత్రం ‘జన నాయకన్’ ప్రస్తుతం సెన్సార్ సమస్యల కారణంగా వార్తల్లో నిలుస్తోంది. ఈ సినిమాను హెచ్. వినోద్ దర్శకత్వం వహించారు. పొంగల్ కానుకగా ప్రేక్షకుల ముందుకు రావాల్సిన ఈ సినిమా జనవరి 9, 2026న విడుదల కావాల్సి ఉంది. అయితే సెన్సార్ సర్టిఫికెట్ ఆలస్యం కావడంతో సినిమా విడుదల ప్రక్రియలో కొన్ని అడ్డంకులు ఎదురవుతున్నాయి.

ఈ సినిమాను కొంతకాలం క్రితమే సెన్సార్ బోర్డుకు పంపించారు. కానీ ఇప్పటివరకు సర్టిఫికెట్ మాత్రం రాలేదు. ఈ ఆలస్యం కారణంగా థియేటర్లలో అడ్వాన్స్ బుకింగ్స్ ప్రారంభించలేకపోతున్నారు. సాధారణంగా పెద్ద హీరో సినిమా అంటే విడుదలకు ముందే టికెట్ బుకింగ్స్ ఓపెన్ అవుతాయి. కానీ ‘జన నాయకన్’ విషయంలో అది జరగకపోవడంతో అభిమానుల్లో ఆందోళన మొదలైంది.

ఈ పరిస్థితిలో చిత్ర నిర్మాతలు కీలక నిర్ణయం తీసుకున్నారు. సెన్సార్ సర్టిఫికెట్ త్వరగా ఇవ్వాలని కోరుతూ మద్రాస్ హైకోర్టులో పిటిషన్ దాఖలు చేశారు. సెన్సార్ బోర్డుకు తగిన ఆదేశాలు ఇవ్వాలని వారు కోర్టును కోరారు. సినిమాకు సర్టిఫికెట్ ఇవ్వడంలో ఆలస్యం జరుగుతోందని, దాని వల్ల విడుదల తేదీపై ప్రభావం పడే అవకాశం ఉందని పిటిషన్‌లో పేర్కొన్నారు.

ఈ ఆలస్యానికి కారణంగా సినిమాలో ఉన్న రాజకీయ డైలాగ్స్ అని ప్రచారం జరుగుతోంది. కొన్ని డైలాగ్స్ సెన్సార్ బోర్డు సభ్యులకు అభ్యంతరకరంగా అనిపించాయనే వార్తలు వినిపిస్తున్నాయి. అయితే దీనిపై అధికారికంగా ఇంకా స్పష్టత రాలేదు. కోర్టు ఈ అంశాన్ని విచారించగా, ప్రస్తుతం విచారణను రేపటికి వాయిదా వేసింది. దీంతో ఈ విషయం ఇప్పుడు “వెయిట్ అండ్ వాచ్” పరిస్థితిగా మారింది.

ఈ సినిమాలో విజయ్‌కు జంటగా పూజా హెగ్డే నటిస్తోంది. ఆమె పాత్రకు మంచి ప్రాధాన్యం ఉంటుందని సమాచారం. ప్రధాన విలన్‌గా బాబీ డియోల్ కనిపించనున్నారు. అలాగే మమిత బైజు ఒక కీలక పాత్రలో నటిస్తోంది. ఈ పాత్రను బాలకృష భగవత్ కేసరి సినిమాలోని శ్రీలీల పోషించిన పాత్రకు దగ్గరగా ఉండేలా రూపొందించారు.

ఇంకా ఈ సినిమాలో గౌతమ్ వాసుదేవ్ మీనన్, ప్రకాశ్ రాజ్, సునీల్, ప్రియమణి, నరైన్ వంటి అనుభవజ్ఞులైన నటులు సహాయక పాత్రల్లో కనిపించనున్నారు. ఈ బలమైన నటీనటుల బృందం సినిమాపై అంచనాలను మరింత పెంచుతోంది.

ఈ చిత్రాన్ని కేవీఎన్ ప్రొడక్షన్స్ బ్యానర్‌పై వెంకట్ కె. నారాయణ నిర్మిస్తున్నారు. సంగీతాన్ని ప్రముఖ సంగీత దర్శకుడు అనిరుధ్ రవిచందర్ అందిస్తున్నారు. ఇప్పటికే విడుదలైన అప్‌డేట్స్ సినిమాపై మంచి బజ్‌ను క్రియేట్ చేశాయి. ఈ సినిమా తెలుగులో ‘జన నాయకుడు’ అనే పేరుతో విడుదల కానుంది.

మొత్తానికి, సెన్సార్ సర్టిఫికెట్ సమస్య త్వరగా పరిష్కారమైతేనే అడ్వాన్స్ బుకింగ్స్ ప్రారంభం అవుతాయి. కోర్టు తీర్పుపై ఇప్పుడు అందరి దృష్టి పడింది. అభిమానులు మాత్రం సినిమా అనుకున్న తేదీకే విడుదల కావాలని ఆశతో ఎదురు చూస్తున్నారు.