Sobhita: పెళ్లి తర్వాత మొదటి సినిమాకు సిద్దమైన అక్కినేని కోడలు! హీరో ఎవరో తెలుసా

తమిళ దర్శకుడు పా .రంజిత్ డైరెక్షన్ లో 'వెట్టువం' అనే సినిమా చేస్తున్నట్లు సమాచారం. త్వరలోనే దీనిపై అధికారిక ప్రకటన రానుంది.

ఇందులో దినేష్ హీరోగా నటిస్తున్నారు. హీరో ఆర్య కూడా ఒక కీలక పాత్ర పోషిస్తున్నారట.

దర్శకుడు పా. రంజిత్ తమిళ్లో రజినీకాంత్ కబాలీ, , 'కాలా', 'మద్రాస్', తంగలాన్ వంటి విభిన్నమైన చిత్రాలతో దర్శకుడిగా మంచి గుర్తింపు పొందారు. దీంతో ప్రేక్షకుల్లో ఈ సినిమాపై అంచనాలు భారీగా ఉన్నాయి.

నాగ చైతన్యతో పెళ్లి తర్వాత శోభిత చేస్తున్న తొలి సినిమా కావడంతో.. ఇందులో ఆమె పాత్ర ఎలా ఉండబోతుందా అని ఆసక్తిగా ఎదురుచూస్తున్నారు అక్కినేని అభిమానులు.

ఇంతకముందు తమిళ్లో శోభిత మణిరత్నం 'పొన్నియన్ సెల్వన్' సినిమాలో నటించింది. కానీ ఇందులో శోభిత మెయిన్ లీడ్ గా నటించలేదు. ఇప్పుడు తమిళ్లో మొదటిసారి మెయిన్ హీరోయిన్ గా సినిమా చేస్తున్నారు.

ఫ్యూచరిస్టిక్‌ సైన్స్‌ ఫిక్షన్‌ డ్రామాగా 'వెట్టువం' సినిమా రూపొందుతోంది. ఇందులో శోభిత పాత్ర చాలా శక్తివంతంగా.. యాక్షన్ కోణంలో సాగుతుందని తెలుస్తోంది.

కొద్దిరోజులుగా శోభిత తల్లి కాబోతున్నట్లు నెట్టింట జోరుగా ప్రచారం జరిగింది. ఇప్పుడు ఈ సినిమా ప్రకటనతో ఆ పుకార్లకు చెక్ పెట్టింది. ఫ్యామిలీ లైఫ్ తో పాటు తన కెరీర్ పై ఫోకస్ పెట్టినట్లు స్పష్టం చేసింది.