Raju Weds Rambai : నెగెటివ్‌ టాక్‌ వస్తే.. అమీర్‌పేట్‌లో డ్రాయిర్తో  తిరుగుతా!

ఈ శుక్రవారం విడుదలవుతున్న చిన్న చిత్రాల్లో రాజు వెడ్స్ రాంబాయి ఒకటి. ధోలముఖి సబాల్టర్న్ ఫిల్మ్స్ పతాకంపై దర్శకుడు వేణు ఉడుగుల నిర్మించిన తొలి చిత్రమిది. అఖిల్ రాజ్ ఉద్దేమరి, తేజస్విని రావు జంటగా తెరరకెక్కిన ఈ సినిమాకు సాయిలు కాంపతి దర్శకుడు. నవంబర్ 21న సినిమా గ్రాండ్ గా రిలీజ్ కాబోతుంది. 

ఈ సందర్భంగా బుధవారం రాత్రి హైదరాబాద్‌లో ప్రీ రిలీజ్ ఈవెంట్‌ నిర్వహించారు. హీరో కిరణ్ అబ్బవరం ముఖ్య అతిథిగా హాజరయ్యారు. ఈ క్రమంలో స్టేజీపైన దర్శకుడు సాయిలు మాట్లాడుతూ బోల్డ్ స్టేట్‌మెంట్ ఇచ్చారు. ఈ సినిమాకు సినిమాకు నెగెటివ్‌ టాక్‌ వస్తే తాను అర్ధనగ్నంగా అమీర్‌పేట్‌ సెంటర్‌లో తిరుగుతానన్నారు. ఇందుకు సంబంధించిన వీడియో ఇప్పుడు సోషల్ మీడియాలో వైరల్ గా మారింది. ఈ చిత్రం కచ్చితంగా విజయం సాధిస్తుందని ధీమా వ్యక్తంచేశారు.దయచేసి నెగెటివ్‌ ప్రచారం చేయవద్దని కోరారు. 

నరకం చూపించిన కథను

15 ఏళ్లు ఓ జంటకు నరకం చూపించిన కథను మీ ముందుకు తీసుకువస్తున్నానని తెలిపారు. మీకు నచ్చకపోతే వదిలేయండి.. అంతేకానీ నెగెటివ్‌గా మాట్లాడకండని కోరారు. . ఈ సినిమా చూసిన ప్రతి ఒక్కరూ దీని గురించి మాట్లాడుకుంటారని 7/జీ బృందావన్‌ కాలనీ, RX 100, బేబీ వంటి కల్ట్ లవ్ స్టోరీల సరసన ఈ సినిమా కూడా నిలుస్తుందని నిర్మాత వేణు ఉడుగుల ధీమా వ్యక్తం చేశారు.  ఖమ్మం - వరంగల్ జిల్లాల సరిహద్దులోని ఒక గ్రామంలో 2004లో జరిగిన వాస్తవ ఘటన ఆధారంగా ఈ సినిమాను రూపొందించారు. 

హీరో రాజు, తన ప్రేయసి రాంబాయిని పెళ్లి చేసుకున్నట్లు ఊహించుకుంటూ తరచుగా రాజు వెడ్స్ రాంబాయి అని రాస్తుంటాడు. ఈ ప్రేమికులకు ఏం జరిగింది, ఎలాంటి అడ్డంకులు ఎదుర్కొన్నారు, వారి ప్రేమ ఎందుకు విషాదాంతమైంది అనే అంశాలను చిత్రంలో భావోద్వేగంగా చూపించారు. , శివాజీ రాజా, చైతు జొన్నలగడ్డ, అనిత చౌదరి కీ రోల్ లో నటించారు. ఇక మేకర్స్  ఈ సినిమా కోసం టికెట్ ధరలను కూడా తగ్గించారు. సింగిల్ స్క్రీన్లు రూ. 99, మల్టీప్లెక్స్‌లు రూ. 105గా నిర్ణయించబడ్డాయి. ఇటీవలి ఏ తెలుగు సినిమా కూడా ఇలాంటి ధరను పెట్టలేదు. సురేష్ బొబ్బిలి సంగీతం సమకూర్చారు.