Kanchana Re Release: 'కాంచన' మళ్లీ థియేటర్లలో.. మూవీ టీమ్ క్రేజీ అప్‌డేట్!

Kanchana Re Release: హారర్ సినిమాలు ఇష్టపడే వారికి ఒక గుడ్ న్యూస్. దక్షిణాది సినిమాల్లో హారర్ కామెడీకి ప్రత్యేక గుర్తింపు తీసుకొచ్చిన దర్శకుడు, హీరో రాఘవ లారెన్స్(Raghava Lawrence) తెరకెక్కించిన సూపర్ హిట్ సినిమా ‘కాంచన’ (ముని-2) మళ్లీ థియేటర్లలోకి రానుంది. విడుదలై 15 సంవత్సరాలు పూర్తి చేసుకున్న ఈ చిత్రం మార్చి 13, 2026న ప్రపంచవ్యాప్తంగా గ్రాండ్‌గా రీ-రిలీజ్ కానుంది.

Back with double the screams & double the fun! 👻🎉#Kanchana Re-Release Trailer tomorrow at 6:03 PM on @adityamusic. 🎬🔥

Team #Kanchana wishes you a joyful Happy Holi! ✨#Kanchana4K Grand Re - Releasing on March 13th 🔥

Grand Re-Release By @KedarFilms@offl_Lawrence… pic.twitter.com/m7FTwhP6Vw

— Aditya Music (@adityamusic) March 3, 2026

ఇప్పటికే పాత హిట్ సినిమాలను 4K క్వాలిటీతో మళ్లీ విడుదల చేసే ట్రెండ్ టాలీవుడ్‌లో కొనసాగుతోంది. అదే విధంగా ‘కాంచన’ సినిమాను కూడా కొత్త టెక్నాలజీతో రెడీ చేశారు. 4K విజువల్స్‌తో పాటు డాల్బీ అట్మోస్ సౌండ్‌తో సినిమాను రీ-మాస్టర్ చేశారు. థియేటర్‌లో ఈసారి సౌండ్ ఎఫెక్ట్స్ మరింత బలంగా వినిపించనున్నాయి. ముఖ్యంగా ఇంటర్వెల్ సీన్, క్లైమాక్స్ ఫైట్ సీన్లు పెద్ద తెరపై మరింత థ్రిల్లింగ్‌గా అనిపించనున్నాయి. ఎస్.ఎస్. తమన్ అందించిన బ్యాక్‌గ్రౌండ్ మ్యూజిక్ ఈ సినిమాకు ప్రధాన బలం. ఇప్పుడు ఆ మ్యూజిక్ మరింత క్లియర్‌గా ఉండడంతో ప్రేక్షకులకు కొత్త అనుభవం కలగనుంది.

#Kanchana Re-release in Dolby atmos 🔥 pic.twitter.com/aEIJtAPEiF

— Matters Of Movies (@MattersOfMovies) January 29, 2026

ఈ సినిమా విజయంలో పెద్ద పాత్ర పోషించినది శరత్ కుమార్ చేసిన ‘కాంచన’ పాత్ర. ఒక అన్యాయానికి గురైన ట్రాన్స్‌జెండర్ ఆత్మగా ఆయన నటన అప్పట్లో అందరినీ కదిలించింది. రాఘవ లారెన్స్ తన కామెడీ టైమింగ్, డ్యాన్స్, మ్యానరిజమ్స్‌తో ఆకట్టుకున్నారు. కోవై సరళ, దేవదర్శిని చేసిన కామెడీ కూడా సినిమాకు మంచి ప్లస్ అయ్యింది. పీర్ ముహమ్మద్ పాత్రలో లారెన్స్ కనిపించిన తీరు అప్పట్లో పెద్ద చర్చకు దారి తీసింది. ఇప్పటికీ టీవీలో ఈ సినిమా వస్తే చాలా మంది చూస్తూనే ఉంటారు. ఇప్పుడు అదే సినిమాను థియేటర్‌లో కొత్త టెక్నాలజీతో చూడటానికి అభిమానులు ఆసక్తిగా ఎదురుచూస్తున్నారు.

హోలీ స్పెషల్ అప్‌డేట్

హోలీ సందర్భంగా చిత్ర బృందం ఒక ప్రత్యేక ప్రకటన చేసింది. ‘కాంచన 4K’ రీ-రిలీజ్ ట్రైలర్‌ను మార్చి 4 సాయంత్రం 6:03 గంటలకు ఆదిత్య మ్యూజిక్ యూట్యూబ్ ఛానెల్‌లో విడుదల చేయనున్నట్లు తెలిపారు. ఈ ట్రైలర్ ద్వారా 4Kలో సినిమా ఎలా ఉండనుందో ప్రేక్షకులు ముందుగానే చూడవచ్చు.

రాఘవ లారెన్స్ ప్రస్తుతం ‘కాంచన-4’ పనుల్లో బిజీగా ఉన్నారు. కొత్త సినిమా రాకముందే పాత హిట్‌ను మళ్లీ విడుదల చేయడం ద్వారా ప్రేక్షకుల్లో ఉత్సాహం పెంచాలనే ఆలోచనతో ఈ ప్లాన్ చేసినట్లు తెలుస్తోంది. సమ్మర్ ప్రారంభంలో వస్తున్న ఈ రీ-రిలీజ్ మాస్ ప్రేక్షకులతో పాటు కుటుంబ ప్రేక్షకులను కూడా థియేటర్లకు రప్పించే అవకాశం ఉంది.

భయం, కామెడీ, ఎమోషన్స్ అన్ని ఉన్న ఈ సినిమా మరోసారి పెద్ద తెరపై సందడి చేయడానికి సిద్ధంగా ఉంది. రీ-రిలీజ్‌లో ‘కాంచన’ మళ్లీ ఎలాంటి కలెక్షన్లు సాధిస్తుందో చూడాలి.