Raghava Lawrence: రాఘవ లారెన్స్ బర్త్ డే స్పెషల్‌.. ఆ వ్యాధిని జయించి.. టాప్ కొరియోగ్రాఫర్‌గా ఎదిగి..

Raghava Lawrence: ప్రపంచం అతని ధైర్యానికి తలవంచుకుంది. "మనసులో సంకల్పం ఉంటే ఏదీ అసాధ్యం కాదు" అని నిరూపించిన వ్యక్తి రాఘవ లారెన్స్. నేడు అతని పుట్టినరోజు సందర్భంగా ఆయన జీవిత ప్రయాణంలోని కొన్ని ముఖ్య ఘట్టాలను తెలుసుకుందాం.

బ్రెయిన్ ట్యూమర్‌పై విజయం

1976 అక్టోబర్ 29న చెన్నైలోని రాయపురంలో జన్మించిన రాఘవ్ లారెన్స్ చిన్ననాటి నుండి ఎన్నో కష్టాలు ఎదుర్కొన్నారు. చిన్న వయసులోనే ఆయనకు బ్రెయిన్ ట్యూమర్ ఉన్నట్లు తేలింది. దీని కారణంగా చాలా కాలం పాటు చికిత్స పొందారు. అయినా ఆయన ధైర్యం కోల్పోలేదు. ఆ వ్యాధిని జయించి కొత్త జీవితాన్ని ప్రారంభించారు. ఆయన రాఘవేంద్ర స్వామి భక్తుడు, అందుకే ఆయన పేరును “రాఘవ్ లారెన్స్”గా మార్చుకున్నారు.

Thanks to Thalaivar for his love!

I’m so happy to share that today, Thalaivar made my birthday so special by sending me the sweetest wish early in the morning. Hearing his voice truly made my day! I’ll forever be grateful for his love and blessings. #GuruveSaranam 🙏❤️ pic.twitter.com/x3F3glSI56

— Raghava Lawrence (@offl_Lawrence) October 29, 2025

 రజనీకాంత్‌తో అనుబంధం

తన పుట్టినరోజు సందర్భంగా రాఘవ్ లారెన్స్‌కు సూపర్ స్టార్ రజనీకాంత్ ప్రత్యేకంగా శుభాకాంక్షలు తెలిపారు. ఉదయం రజనీ పంపిన వాయిస్ మెసేజ్ విన్న తర్వాత లారెన్స్ ఎంతో సంతోషపడ్డారు. సోషల్ మీడియాలో తన ఆనందాన్ని వ్యక్తం చేస్తూ “తలైవర్ ప్రేమకు ఎల్లప్పుడూ రుణపడి ఉంటాను” అని రాశారు. రజనీ, లారెన్స్ మధ్య ఉన్న గౌరవం, ఆధ్యాత్మిక బంధం అభిమానులను ఎంతగానో ఆకట్టుకుంది.

రాఘవ్ లారెన్స్‌ జీవితం చిన్న వయసులోనే కష్టాల మధ్య సాగింది. ఆయన ఒకప్పుడు కారు క్లీనర్‌గా పనిచేశారు. అప్పుడు ఫైట్ మాస్టర్ సూపర్ సుబ్రాయన్ కారు శుభ్రం చేసే బాధ్యత ఆయనకు ఉండేది. అదే సమయంలో ఆయనకు డాన్స్ అంటే ఆసక్తి. ఒకరోజు రజనీకాంత్ ఆయన డ్యాన్స్ చూసి మెచ్చి డాన్సర్స్ యూనియన్‌లో చేర్చుకోవడానికి సహాయం చేశారు. అదే రాఘవ్ జీవితానికి మలుపు అయ్యింది.

లారెన్స్ మొదట కొరియోగ్రాఫర్‌గా సినీ రంగంలో అడుగుపెట్టారు. తర్వాత నటుడిగా, దర్శకుడిగా, సంగీత దర్శకుడిగా కూడా తన ప్రతిభను చాటుకున్నారు. ఆయన తెరకెక్కించిన కాంచన సిరీస్‌ సినిమాలు సూపర్ హిట్స్ అయ్యాయి. 2001లో తన పేరును “రాఘవేంద్ర” నుండి “రాఘవ్”గా మార్చుకున్నారు. నేడు ఆయన తెలుగు, తమిళ సినీ పరిశ్రమల్లో ప్రముఖ స్థానం సంపాదించారు.

కష్టాలను జయించి జీవితంలో విజయాన్ని సాధించిన రాఘవ్ లారెన్స్ తన పట్టుదలతో అందరికీ స్ఫూర్తి అయ్యాడు. బ్రెయిన్ ట్యూమర్‌ను జయించి, కారు క్లీనర్‌గా మొదలైన జీవితం నుంచి టాప్ దర్శకుడిగా ఎదిగాడు. ఈ రోజు ఆయన పుట్టినరోజు కావడం విశేషం.