పుష్ప2 క్రేజ్.. ఏకంగా 11,500 స్క్రీన్స్‌లో రిలీజ్.. RRR రికార్డ్స్ బ్రేక్

PUSHPA 2: డైరెక్టర్ సుకుమార్, ఐకాన్ స్టార్ అల్లు అర్జున్ కాంబోలో వస్తున్న మోస్ట్ అవైటెడ్ ఫిల్మ్ 'పుష్ప 2'. పార్ట్ 1 ప్రపంచవ్యాప్తంగా బ్లాక్ బస్టర్ హిట్ గా నిలవడంతో.. పార్ట్ 2 పై భారీ అంచనాలు నెలకొన్నాయి. ఎప్పుడెప్పుడా అని ఎదురుచూస్తున్న ఈ చిత్రం డిసెంబర్ 5న ప్రపంచవ్యాప్తంగా విడుదల కానుంది.

Also Read: అలా చేస్తే వచ్చే పాపులారిటీ అక్కర్లేదు.. వైరలవుతున్న సాయి పల్లవి కామెంట్స్

ఏకంగా 11,500 స్క్రీన్లలో రిలీజ్ 

అయితే రిలీజ్ కు ముందే ఈ మూవీ ప్రీ రిలీజ్ బిజినెస్ లెక్కలు నెట్టింట హాట్ టాపిక్ గా మారాయి.  సుమారు రూ.400-500  కోట్ల భారీ బడ్జెట్ తో రూపొందిన  'పుష్ప 2' కేలవం ప్రీ రిలీజ్ బిజినెస్ తోనే వెయ్యి కోట్లు కొల్లగొట్టినట్లు  వార్తలు వినిపిస్తున్నాయి. ప్రపంచవ్యాప్తంగా అన్ని భాషల్లో కలిపి   రూ.1000 కోట్ల‌కు పైగా ఈ మూవీ ప్రీ రిలీజ్ బిజినెస్ జ‌రిగినట్లు స‌మాచారం. అంతేకాదు కాదు వరల్డ్ వైడ్ గా ఆరు భాషల్లో కలిపి 11,500 స్క్రీన్స్‌లో ఈ మూవీని విడుదల చేయబోతున్నట్లు తెలుస్తోంది. ఇప్పటివరకు ఇండియన్ సినిమాలోనే ఇది  బిగ్గెస్ట్ రిలీజ్ కానుంది. గతంలో రాజమౌళి  RRR 10200 లుకు పైగా స్క్రీన్స్‌లో రిలీజయ్యింది. దీంతో పుష్ప2 ఈ రికార్డును బ్రేక్ చేయనుంది. ఓవర్సీస్‌లో 5000  స్క్రీన్స్, ఇండియాలో 6500 స్క్రీన్స్‌లో విడుదల కానుంది. ఈ సినిమా  డిజిటల్, శాటిలైట్ హక్కులతో సహా నాన్-థియేట్రికల్ రైట్స్ రూ.425 కోట్లకు డీల్ జరిగినట్లు ఇండస్ట్రీ వర్గాల సమాచారం.

Also Read : Ketika Sharma: బీచ్ అందాలతో పోటీపడుతున్న హాట్ బ్యూటీ కేతిక.. వైరలవుతున్న ఫొటోలు..!

 మైత్రి మూవీ మేకర్స్ నిర్మిస్తున్న ఈ మూవీలో అల్లు అర్జున్ సరసన నేషనల్ క్రష్ రష్మిక మందన కథానాయికగా నటిస్తున్నారు. టాలీవుడ్ టాప్ మ్యూజిక్ డైరెక్టర్ దేవి శ్రీ ప్రసాద్ సంగీతం అందిస్తున్నారు. ఫహద్ ఫాసిల్, ధనుంజయ, రావు రమేష్, సునీల్, అనసూయ భరద్వాజ్ ప్రధాన పాత్రలో పోషిస్తున్నారు.

Also Read:  కేథార్‌నాథ్‌ లో మోహన్ బాబు, మంచు విష్ణు.. ఎందుకో తెలుసా ?