DUDE OTT: "నా మాటున బాధకు మాటల క్యూర్-ఊ వా"... డ్యూడ్ ఇప్పుడు OTTలో..!

DUDE OTT: దీపావళి స్పెషల్ గా  విడుదలై భారీ హిట్‌గా నిలిచిన డ్యూడ్ సినిమా ఇప్పుడు OTT ప్రేక్షకులను అలరించడానికి సిద్ధంగా ఉంది. ప్రదీప్ రంగనాథన్ ప్రధాన పాత్రలో నటించిన ఈ సినిమా బాక్సాఫీస్ వద్ద అద్భుతమైన విజయాన్ని సాధించింది. విడుదలైన రెండో వారంలోనే రూ.100 కోట్లకు పైగా వసూలు చేస్తూ, ప్రదీప్ కెరీర్‌లో వరుసగా మూడో 100 కోట్లు దాటిన సినిమా గానూ నిలిచింది.

కొత్త దర్శకుడు కీర్తిశ్వరన్ దర్శకత్వం వహించిన ఈ చిత్రం యూత్ ఫుల్ రొమాంటిక్ కామెడీగా తెరకెక్కింది. థియేటర్లలో మంచి టాక్‌తో దూసుకెళ్లిన ఈ సినిమా ఇప్పుడు డిజిటల్ ప్లాట్‌ఫారమ్‌లోకి రావడానికి సన్నద్ధమవుతోంది. తాజా సమాచారం ప్రకారం, నవంబర్ 14, 2025న డ్యూడ్ సినిమా నెట్‌ఫ్లిక్స్‌లో స్ట్రీమింగ్‌కు సిద్ధమవుతోంది. అయితే నెట్‌ఫ్లిక్స్ ఇంకా అధికారిక ప్రకటన చేయలేదు కానీ, అభిమానుల్లో ఇప్పటికే భారీ ఆసక్తి నెలకొంది.

ఈ సినిమా తమిళంతో పాటు తెలుగు, హిందీ, కన్నడ, మలయాళ భాషల్లో కూడా విడుదల కానుంది. అంటే దక్షిణ భారత ప్రేక్షకులందరూ ఈ యూత్ ఎంటర్‌టైనర్‌ను తమ భాషలో ఆస్వాదించవచ్చు.

మమితా బైజు (ప్రీమలూ ఫేమ్) హీరోయిన్‌గా నటించగా, ఆమె నటన ప్రేక్షకుల మనసు దోచుకుంది. ప్రముఖ నటుడు ఆర్. శరత్‌కుమార్ ఒక ప్రత్యేకమైన పాత్రలో కనిపించగా, నేహా శెట్టి కేమియో పాత్రలో మెరిసింది. ప్రతి పాత్ర కూడా కథకు సరైన బలం అందించిందని ప్రేక్షకులు అంటున్నారు.

మైత్రి మూవీ మేకర్స్ ఈ సినిమాను నిర్మించగా, ఇది వారి రెండవ తమిళ ప్రాజెక్ట్ కావడం విశేషం. ఈ చిత్రానికి సాయి అభ్యంకర్ సంగీతం అందించగా, ఆయన ఇచ్చిన మ్యూజిక్ యూత్ ని బాగా ఆకట్టుకుంది.

సినిమా కథలో ప్రేమ, వినోదం, యూత్ ఎనర్జీ, ఫ్యామిలీ ఫీలింగ్ అన్నీ సమపాళ్లలో ఉండటంతో ప్రేక్షకులు థియేటర్లలో మంచిగా ఎంజాయ్ చేసారు. ఇప్పుడు అదే వినోదాన్ని OTTలో కూడా చూడటానికి అందరూ ఆసక్తిగా ఎదురు చూస్తున్నారు.

మొత్తానికి, డ్యూడ్ సినిమా థియేటర్ రన్ పూర్తి చేసుకొని ఇప్పుడు డిజిటల్ స్క్రీన్‌పై మళ్లీ మ్యాజిక్ చేయనుంది. నవంబర్ 14 నుంచి నెట్‌ఫ్లిక్స్‌లో ఈ హిట్ సినిమాని మళ్ళీ చూడండి.