Raja Saab Collections: దెబ్బపడినా దుమ్ముదులిపిన 'రాజాసాబ్'.. మిక్స్‌డ్ టాక్‌తోనే బాక్సాఫీస్ బద్దలు..

Raja Saab Collections: పాన్ ఇండియా స్టార్ ప్రభాస్(Prabhas) నటించిన తాజా చిత్రం ‘ది రాజా సాబ్’ బాక్సాఫీస్ వద్ద ఊహించని స్థాయిలో విజయం సాధిస్తోంది. మారుతి దర్శకత్వంలో తెరకెక్కిన ఈ హారర్- కామెడీ ఎంటర్‌టైనర్ సంక్రాంతి కానుకగా జనవరి 9న విడుదలైంది. విడుదలైనప్పటి నుంచి మిక్స్‌డ్ టాక్ వచ్చినా, వసూళ్లపై మాత్రం ఎలాంటి ప్రభావం చూపలేదు.

సినిమా విడుదలైన కేవలం మూడు రోజుల్లోనే ప్రపంచవ్యాప్తంగా రూ.183 కోట్లకు పైగా గ్రాస్ వసూళ్లు సాధించింది. ఇక నాలుగు రోజుల్లోనే రూ.201 కోట్ల గ్రాస్ మార్క్‌ను దాటి మరో ఘనత సాధించింది. మొదటి రోజే రూ.100 కోట్లకు పైగా వసూలు చేసిన ఈ చిత్రం ప్రభాస్ క్రేజ్ ఏ స్థాయిలో ఉందో మరోసారి నిరూపించింది.

ప్రత్యేకంగా మూడో రోజు వసూళ్లు రెండో రోజుకంటే ఎక్కువగా ఉండడం విశేషం. ఇది ప్రేక్షకుల్లో సినిమాపై ఆసక్తి ఇంకా పెరుగుతోంది. హారర్- ఫాంటసీ జానర్‌లో ఇప్పటివరకు వచ్చిన చిత్రాల్లో అత్యధిక వసూళ్లు సాధించిన సినిమాగా ‘ది రాజా సాబ్’ రికార్డ్ సృష్టించింది.

A celebration that keeps growing.
A BLOCKBUSTER that stands tall 💪🏼#TheRajaSaab strikes 𝟐𝟎𝟏 𝐂𝐫+ 𝐖𝐨𝐫𝐥𝐝𝐰𝐢𝐝𝐞 𝐆𝐫𝐨𝐬𝐬 in 4 days ❤️‍🔥

Celebrate #BlockbusterTheRajaSaab with your dear ones at cinemas near you 🫶🏻#Prabhas@directormaruthi@musicthaman@peoplemediafcy… pic.twitter.com/MF20GZPyil

— The RajaSaab (@rajasaabmovie) January 13, 2026

పీపుల్ మీడియా ఫ్యాక్టరీ బ్యానర్‌పై టి.జి. విశ్వప్రసాద్, కృతి ప్రసాద్ ఈ చిత్రాన్ని భారీ బడ్జెట్‌తో నిర్మించారు. విజువల్స్, గ్రాఫిక్స్, బ్యాక్‌గ్రౌండ్ మ్యూజిక్ సినిమాకు ప్రధాన ఆకర్షణగా నిలిచాయి. ప్రభాస్ వింటేజ్ కామెడీ టైమింగ్, డ్యాన్స్, మారుతి మార్క్ వినోదం ఫ్యామిలీ ప్రేక్షకులను థియేటర్లకు రప్పిస్తోంది.

కథ విషయానికి వస్తే.. గంగమ్మ అనే వృద్ధ మహిళకు ఆల్జీమర్స్ వ్యాధి ఉంటుంది. ఆమెను ఆమె మనవడు రాజా సాబ్ చూసుకుంటూ ప్రశాంతంగా జీవిస్తుంటాడు. గంగమ్మ తన భర్త కనకరాజు జ్ఞాపకాలనే ఎక్కువగా గుర్తు పెట్టుకుంటుంది. కనకరాజు ఒకప్పుడు భూతాలను వెళ్లగొట్టే వ్యక్తి, కానీ ఇప్పుడు అతడు కనిపించకుండా పోయాడు.

తాతను వెతకడానికి రాజా సాబ్ హైదరాబాద్‌కి వస్తాడు. ఈ ప్రయాణంలో అతడికి ఎన్నో సమస్యలు ఎదురవుతాయి. ఈ క్రమంలో నన్ అయిన బెస్సీతో ప్రేమలో పడతాడు. మరోవైపు దొంగ మనవరాలు భైరవి కూడా అతనితో కలిసి తాతను వెతకడంలో సహాయం చేస్తుంది.

వీరి అన్వేషణ చివరకు ఒక భయంకరమైన బంగ్లాకు తీసుకెళ్తుంది. అక్కడ కనకరాజు బాధితుడు కాదని, అసలు ఈ మొత్తం ప్లాన్ అతడిదేనని తెలుస్తుంది. రాజా సాబ్‌ను అక్కడికి రప్పించేందుకే అతడు ఈ ఉచ్చును వేసినట్టు బయటపడుతుంది.

బంగ్లాలో చిక్కుకున్న రాజా సాబ్, బెస్సీ, భైరవి బయటపడేందుకు ప్రయత్నిస్తారు. డాక్టర్ పద్మభూషణ్ సహాయం తీసుకున్నా ఫలితం ఉండదు. చివరకు రాజా సాబ్ తనలో దాగి ఉన్న శక్తిని గుర్తించి మరో లోకాన్ని సృష్టించి కనకరాజును ఓడిస్తాడు. అయితే చివర్లో రాజా సాబ్‌లా కనిపించే ఓ రహస్య వ్యక్తి కనిపించడం కథను మరింత ఆసక్తికరంగా ముగిస్తుంది.

ఇటీవలే ప్రేక్షకుల కోరిక మేరకు ప్రభాస్ ఓల్డ్ గెట్ అప్ సీన్లను చిత్రంలో జోడించారు. దీనితో సెకండ్ హాఫ్ మరింత ఎంటర్టైనింగ్‌గా మారిందని అభిమానులు చెబుతున్నారు. సంక్రాంతి సీజన్ కొనసాగుతున్న నేపథ్యంలో ‘ది రాజా సాబ్’ వసూళ్లు ఇంకా పెరిగే అవకాశం ఉందని ట్రేడ్ వర్గాలు అంచనా వేస్తున్నాయి.