/rtv/media/media_files/2026/02/15/not-a-doctor-2026-02-15-15-17-32.jpg)
Not A Doctor
Not A Doctor: స్వధర్మ ఎంటర్టైన్మెంట్ మరో కొత్త, ఆసక్తికరమైన సినిమాను ప్రకటించింది. మంచి కథలతో సినిమాలు నిర్మించే ఈ సంస్థ తమ ఆరవ ప్రొడక్షన్గా “Not A Doctor” అనే చిత్రాన్ని ప్రారంభించింది. ఈ చిత్రానికి దర్శకుడు శ్రీకాంత్ నాగోతి, హీరోగా నవీన్ చంద్ర(Naveen Chandra) నటిస్తున్నారు.
Not A Doctor Maha Shivaratri Poster
మహాశివరాత్రి శుభాకాంక్షలు ✨🔱
— Actor Naveen Chandra (@Naveenc212) February 15, 2026
Presenting @Swadharm_Ent’s next –
A Metaphorical drama of human desires and Nature's plan
@Naveenc212 is #NotADoctor 🚫
Based on a novel that was never written.
Produced by @RahulYadavNakka
Written & Directed by @srikanthnagothi… pic.twitter.com/bZaysIwT2I
మహా శివరాత్రి సందర్భంగా ఈ సినిమాను అధికారికంగా ప్రకటించారు. టైటిల్ పోస్టర్ కూడా విడుదల చేశారు. పోస్టర్లో ఒక భయంకరమైన దృశ్యం కనిపిస్తుంది. అడవి నేల నుండి ఒక పెద్ద మురికి చేతి వేళ్ళు బయటకు వస్తున్నట్టు చూపించారు. ఆ చేతి వేళ్ళుకు మట్టితో నిండిన గోర్లు, చెట్టు వేరు చుట్టుకుని ఉండటం, చుట్టూ గాఢమైన అడవి వాతావరణం కనిపించడం సినిమాపై మరింత ఆసక్తిని పెంచుతోంది.
ఈ చిత్రానికి “Based on a novel that was never written” అనే ట్యాగ్లైన్ పెట్టారు. అంటే “ఎప్పుడూ రాయని ఒక నవల ఆధారంగా” అనే అర్థం. ఈ ట్యాగ్లైన్ సినిమాపై చాలా సస్పెన్స్ క్రియేట్ చేస్తోంది. టైటిల్, ట్యాగ్లైన్, పోస్టర్ అన్ని చూస్తే సినిమా కథ ఏమిటో తెలుసుకోవాలని ప్రేక్షకుల్లో ఆసక్తి పెరుగుతోంది.
నవీన్ చంద్ర, శ్రీకాంత్ నాగోతి కలిసి పనిచేస్తున్న ఇది మూడో సినిమా. వీరిద్దరి కలయికలో వచ్చిన “Bhanumathi & Ramakrishna”, “Month of Madhu” సినిమాలు మంచి ప్రశంసలు అందుకున్నాయి. ఆ సినిమాలు ఎమోషన్స్ తో కూడిన కథలతో ప్రేక్షకులను ఆకట్టుకున్నాయి. అందుకే ఈ కొత్త సినిమా మీద కూడా మంచి అంచనాలు ఉన్నాయి.
స్వధర్మ ఎంటర్టైన్మెంట్ ఇప్పటికే “Malli Raava”, “Agent Sai Srinivasa Athreya”, “Masooda” వంటి మంచి చిత్రాలను నిర్మించింది. కాబట్టి “Not A Doctor” కూడా ఒక ప్రత్యేకమైన కథతో వస్తుందని సినీ వర్గాలు భావిస్తున్నాయి.
ఇంకా నటీనటులు, షూటింగ్ వివరాలు వంటి విషయాలను త్వరలో ప్రకటించనున్నట్లు నిర్మాతలు తెలిపారు. మొత్తానికి టైటిల్ నుంచే ఆసక్తి రేపుతున్న ఈ సినిమా ఎలా ఉంటుందో చూడాలి.
Follow Us