Nani Heroine: నానికి కలిసొచ్చిన హీరోయిన్.. ఈసారి 'జూలియట్' గా మళ్ళీ రొమాన్స్!

ఇందులో 'కన్మణి' పాత్రలో ప్రియాంక నటన, పవన్ తో ఆమె కెమిస్ట్రీ ప్రేక్షకులను ఫిదా చేసింది. సినిమాలో తన ప్రజెన్స్ తక్కువే అయినప్పటికీ భారీ ఇంపాక్ట్ క్రియేట్ చేసింది.

'ఓజీ' సక్సెస్ తో ఈ ముద్దుగుమ్మ క్రేజ్ కూడా బాగానే పెరిగింది. దీంతో ఇటు తెలుగులో, అటు తమిళ్, కన్నడలో మంచి అవకాశాలు అందుకుంటున్నట్లు తెలుస్తోంది

ఈ క్రమంలో తెలుగులో మరో బంపర్ ఆఫర్ పెట్టేసిందట ఈ బ్యూటీ. సుజీత్ - నాని కాంబోలో రాబోతున్న సినిమాలో ప్రియాంకను హీరోయిన్ గా కాస్ట్ చేసే ఆలోచనలో ఉన్నారట.

ఇప్పటికే 'గ్యాంగ్ లీడర్', 'సరిపోదా శనివారం' సినిమాల్లో ప్రియాంకతో కలిసి నటించిన నాని.. ఇప్పుడు మరోసారి ఆమె కాంబో రిపీట్ చేయాలని అనుకుంటున్నారట.

గ్యాంగ్ లీడర్, సరిపోదా శనివారం సినిమాల్లో ప్రియాంక- నాని కెమిస్ట్రీ బాగా వర్కౌట్ అయ్యింది. దీంతో నాని.. మరోసారి ప్రియాంకతో కలిసి హ్యాట్రిక్ కొట్టేందుకు సిద్దమవుతున్నట్లు తెలుస్తోంది.

ఇటీవలే పూజ కార్యక్రమాలతో గ్రాండ్ గా లాంచ్ చేసిన నాని- సుజీత్ మూవీ త్వరలోనే పట్టాలెక్కనుంది. ప్రస్తుతం చిత్రబృందం ప్రీ ప్రొడక్షన్ పనుల్లో బిజీగా ఉంది.

ఈ సినిమాకు 'బ్లడీ రోమియో' అనే టైటిల్ ప్రచారంలో ఉంది. మాస్ టచ్ ఉన్న ప్రేమ కథగా రూపొందనున్న ఈ చిత్రంలో నాని రోమియో గా, ప్రియాంక జూలియట్ కనిపించబోతుందని టాక్.