Drishyam 3: జార్జ్ కుట్టీ మళ్ళీ వచ్చేస్తున్నాడు.. ఈసారి సస్పెన్స్ పీక్స్!

ఇప్పటికే ప్రీ ప్రొడక్షన్ పనులు పూర్తి చేసుకున్న ఈ చిత్రం త్వరలోనే సెట్స్ పైకి వెళ్లనుంది. ఈ మేరకు పూజ కార్యక్రమాలతో నిర్వహించారు.

హీరో మోహన్ లాల్ సినిమాకు క్లాప్ కొట్టి లాంఛనంగా ప్రారంభించారు. ఇందుకు సంబంధించిన పిక్స్ నెట్టింట వైరల్ అవుతున్నాయి.

దృశ్యం ఫ్రాంచైజీలో భాగంగా ఇప్పటికే విడుదలైన 'దృశ్యం' పార్ట్ 1 అండ్ 2 చిత్రాలు సూపర్ హిట్ విజయాన్ని అందుకున్నాయి. సస్పెన్స్ థ్రిల్లర్ నేపథ్యంలో సాగిన కథలు ప్రేక్షకులను కుర్చీలకు కట్టిపడేశాయి.

పార్ట్ 3లో ఈ రెండు భాగాలకు మించిన సస్పెన్స్ ఉండబోతుందని తెలుస్తోంది. ఇది కూడా జార్జ్ కుట్టీ ( మోహన్ లాల్) తన కుటుంబాన్ని రక్షించుకోవడానికి చేసే పోరాటం చుట్టూ తిరుగుతుంది.

అంతేకాదు దృశ్యం 3 లో.. జార్జ్ కుట్టి కుటుంబం గురించి కొన్ని ఊహించని విషయాలు బయటపడతాయని, కథలో కొత్త మలుపులు ఉంటాయని తెలుస్తోంది.

"దృశ్యం 2" క్లైమాక్స్ లో పోలీసులు బయటకు తీసిన అస్థిపంజరం వరుణ్ ది కాదని బయటపడుతుంది. అక్కడి నుంచి కథ ఎలాంటి మలుపు తిరిగింది అనేది 'దృశ్యం 3' చూపించబోతున్నారు డైరెక్టర్

మోహన్ లాల్ తో పాటు మీనా, అన్సిబా హసన్, ఎస్తేర్ అనిల్, మళ్ళీ తిరిగి కనిపించబోతున్నారు.