'మట్కా' నుంచి మరో కొత్త పోస్టర్.. వైరల్ అవుతున్న లుక్

MATKA: మెగా హీరో వరుణ్ తేజ్ నటిస్తున్న లేటెస్ట్ మూవీ 'మట్కా'. 1950, 1980 కాలం నాటి  కథాంశంతో   పీరియాడిక్ డ్రామాగా రూపొందుతున్న ఈ చిత్రానికి  'పలాస 1978' ఫేమ్ కరుణకుమార్ దర్శకత్వం వహిస్తున్నారు. ఇప్పటికే విడుదలైన ఈ మూవీ గ్లిమ్ప్స్ వీడియోలో.. ఆ కాలం నాటికి తగ్గట్లు వరుణ్ తేజ్ లుక్, డ్రెస్సింగ్ స్టైల్ సినిమాపై ఆసక్తిని పెంచాయి. 

కొత్త పోస్టర్ 

తాజాగా ఈ మూవీ నుంచి మరో ఇంట్రెస్టింగ్ అప్డేట్ ఇచ్చారు మేకర్స్. సినిమాలో  కీలక పాత్ర పోషిస్తున్న బొమ్మాలి రవిశంకర్ లుక్ రిలీజ్ చేశారు. ఈ పోస్టర్ లో కుడిచేతిలో తుపాకీ, ఎడమ చేతిలో  పిస్తోల్‌ పట్టుకున్న రవి శంకర్ సినిమాపై క్యూరియాసిటీ పెంచుతోంది. దీంతో ఈ మూవీలో రవి శంకర్ పాత్ర ఎలా ఉండబోతుంది అనే దాని పై ప్రేక్షకులలో ఆసక్తి పెరిగిపోయింది.  

వైరా, SRT ఎంటర్ టైన్మెంట్ బ్యానర్స్  పై డాక్టర్ విజయేందర్ రెడ్డి తీగల,  రజనీ తాళ్లూరి సంయుక్తంగా నిర్మిస్తున్న ఈ చిత్రంలో నవీన్ చంద్ర, కన్నడ కిషోర్, అజయ్ ఘోష్, మైమ్ గోపి, రూపలక్ష్మి, విజయరామరాజు, జగదీష్, రాజ్ తిరందాస్ తదితరులు కీలక పాత్రలు పోషిస్తున్నారు.  జివి ప్రకాష్ కుమార్ సంగీతం అందిస్తున్నారు. 

Also Read: అలా చేస్తే వచ్చే పాపులారిటీ అక్కర్లేదు.. వైరలవుతున్న సాయి పల్లవి కామెంట్స్