/rtv/media/media_files/2025/11/28/ott-alert-2025-11-28-09-01-32.jpg)
OTT Alert
OTT Alert: మాస్ మహారాజా రవితేజ(Ravi Teja) నటించిన యాక్షన్ ఎంటర్టైనర్‘మాస్ జాతర’(Mass Jathara) ఇప్పుడు అధికారికంగా 'నెట్ఫ్లిక్స్'లో స్ట్రీమింగ్ ప్రారంభమైంది. శ్రీలీల హీరోయిన్గా నటించిన ఈ చిత్రానికి భాను బోగవారపు దర్శకత్వం వహించారు. సినిమా అక్టోబర్ 30, 2025న థియేటర్లలో పేడ్ ప్రీమియర్స్తో విడుదలై, ప్రేక్షకుల నుండి మిక్స్డ్ టాక్ అందుకుంది.
నెట్ఫ్లిక్స్లో పలుభాషల్లో విడుదల Ravi Teja Mass Jathara OTT
థియేటర్లలో పెద్దగా ఆకట్టుకోలేకపోయినా ‘మాస్ జాతర’కు ఓటీటీ రిలీజ్ ద్వారా కొత్త అవకాశం వచ్చింది. నెట్ఫ్లిక్స్ ఈ సినిమాను ఒక్క తెలుగు మాత్రమే కాకుండా, హిందీ, తమిళం, కన్నడ, మలయాళం భాషల్లో కూడా అందుబాటులోకి తీసుకువచ్చింది. ఈ విధంగా సినిమా మరింత పెద్ద స్థాయిలో ప్రేక్షకులను చేరుకునే అవకాశం పొందింది.
November 28th OTT updates are here! 🥳 I'm excited to dive into Mass Jathara & Aaryan on Netflix, Kantara A Legend Chapter 1 on Prime Video, The Pet Detective & Regai on Zee5, and Aan paavam pollathathu on Jio Hotstar. 🍿 Which one are you watching first? 🤔 #OTT#NewReleasespic.twitter.com/Y7McWtNjZX
— ott_releases (@ott_releases) November 27, 2025
సినిమాలో రవితేజ ఎనర్జీ, కొన్ని యాక్షన్ సన్నివేశాలు ప్రేక్షకులను ఆకట్టుకున్నప్పటికీ, కథ స్లోగా ఉండడం, కొన్ని సన్నివేశాలు ఆకట్టుకోకపోవడంతో థియేటర్లలో సినిమా పట్టు సాధించలేకపోయింది. ఫస్ట్ షోస్ కు వచ్చిన ఓపెనింగ్ బాగానే ఉన్నా, తరువాతి రోజుల్లో కలెక్షన్ల వేగం తగ్గిపోయింది.
ఈ నేపథ్యంలో సినిమా ఓటీటీలో రిలీజ్ అవ్వడంతో, ఇంట్లో చూసే ప్రేక్షకుల నుండి మంచి రెస్పాన్స్ రావచ్చని చిత్రబృందం ఆశిస్తోంది. ఈ చిత్రంలో విలన్ పాత్రను నవీన్ చంద్ర పోషించారు. ఆయన పాత్ర యాక్షన్ సన్నివేశాలకు బలం ఇచ్చింది. అదే విధంగా రాజేంద్ర ప్రసాద్, సముతిరఖని, తారక్ పొన్నప్ప వంటి నటులు కూడా తమ పాత్రల్లో ఆకట్టుకున్నారు.
సినిమాను సితార ఎంటర్టైన్మెంట్స్, ఫార్చూన్ ఫోర్ సినిమాస్ కలిసి నిర్మించాయి. సంగీతాన్ని భీమ్స్ సిసిరోలియా అందించగా, ఆయన ఇచ్చిన బ్యాక్గ్రౌండ్ స్కోర్ యాక్షన్ సన్నివేశాలకు మంచి ఎఫెక్ట్ తెచ్చిందని ప్రేక్షకులు అభిప్రాయం వ్యక్తం చేశారు.
థియేటర్లలో ఆశించిన ఫలితం ఇవ్వకపోయినా, రవితేజ ‘మాస్ జాతర’ ఇప్పుడు ఓటీటీలో కొత్త ప్రయాణం మొదలుపెట్టింది. విభిన్న భాషల్లో అందుబాటులో ఉండటంతో, సినిమా మరింత విస్తృతమైన ప్రేక్షకులను చేరుకునే అవకాశముంది. ప్రేక్షకులు ఓటీటీలో సినిమాకు ఎలాంటి రెస్పాన్స్ ఇస్తారో చూడాలి.
Follow Us