Mana Shankara Vara Prasad Garu: చిరంజీవి రెమ్యునరేషన్, ఓటీటీ డిటైల్స్ ఇవే..!

Mana Shankara Vara Prasad Garu: మెగాస్టార్ చిరంజీవి(Chiranjeevi) నటిస్తున్న తాజా చిత్రం ‘మన శంకర వరప్రసాద్ గారు’ షూటింగ్ దాదాపు పూర్తయింది. ఈ చిత్రానికి అనిల్ రావిపూడి దర్శకత్వం వహిస్తున్నారు. మొదటిసారి వీరిద్దరూ కలిసి పనిచేస్తుండటంతో సినిమా మీద భారీ అంచనాలు ఉన్నాయి.

చిరంజీవికి భారీ పారితోషికం

ఈ కుటుంబ వినోదాత్మక చిత్రంలో చిరంజీవి తన పాత్ర కోసం భారీగా రెమ్యునరేషన్ అందుకున్నారని సమాచారం. తాజా సమాచారం ప్రకారం, మెగాస్టార్‌కు ఈ సినిమాకు రూ. 70 కోట్లు పారితోషికంగా ఇచ్చారు. ఇది ప్రస్తుతం తెలుగు సినిమా పరిశ్రమలోనే అత్యధిక రెమ్యునరేషన్‌లలో ఇది కూడా ఒకటి. సినిమాను సాహు గరపాటి, సుశ్మిత కొణిదెల కలిసి నిర్మిస్తున్నారు. థియేట్రికల్, శాటిలైట్, ఓటీటీ వంటి వాటిలో వచ్చే లాభాలను ఇద్దరూ పంచుకోనున్నారు.

సినిమా కథ 

అనిల్ రావిపూడి ఎప్పటిలాగే చిరంజీవికి సరిపోయే ఉత్సాహభరితమైన, వినోదంతో నిండిన స్క్రిప్ట్ రాశారని తెలిసింది. ఈసారి దర్శకుడు కొంచెం కుటుంబ నేపథ్యాన్ని కూడా కలిపి, అందరికీ నచ్చే విధంగా కథను సిద్ధం చేశాడని సమాచారం. త్వరలోనే చిత్రబృందం మరిన్ని వివరాలను బయట పెడుతుంది.

ఓటీటీ డీల్ 

అనిల్ రావిపూడి గత సినిమా ‘సంక్రాంతికి వస్తున్నాం’ మంచి విజయం సాధించినప్పటికీ, ఈ కొత్త సినిమా మాత్రం ఇంకా ఏ ఓటీటీ ప్లాట్‌ఫారమ్‌కు అమ్ముడుపోలేదు. సాధారణంగా చిరంజీవి సినిమాలు ముందుగానే పెద్ద మొత్తానికి డిజిటల్ ప్లాట్‌ఫార్మ్‌లు కొనుగోలు చేస్తాయి. అయితే ఈసారి నిర్మాతలు అడిగిన ధర ఎక్కువగా ఉండటం వల్ల, కొనుగోలు దారులు ఆలోచిస్తున్నట్టు సమాచారం..

ప్రస్తుతం బాక్సాఫీస్ పరిస్థితి స్థిరంగా లేకపోవడం వల్ల, ఓటీటీ సంస్థలు భారీ రేట్లు పెట్టడానికి వెనుకాడుతున్నాయట. అయినా కూడా, నిర్మాతలు సంక్రాంతి విడుదల నుంచి వెనక్కు వెళ్లడం లేదు. థియేటర్లలో విడుదలైన తర్వాత కూడా ఓటీటీ, శాటిలైట్ హక్కులను మంచి ధరకు అమ్ముకోవచ్చని చిరంజీవి నిర్మాతలకు సూచించినట్లు తెలిసింది.

సంక్రాంతి పోటీ 

ఈ సంవత్సరం సంక్రాంతి సమయంలో ఇప్పటికే పెద్ద సినిమాలు ఉన్నాయి.

• ప్రభాస్ - ది రాజా సాబ్
• రవితేజ - భర్త మహాశయులకు విజ్ఞప్తి
• నవీన్ పొలిశెట్టి - అనగనగా ఒక రాజు
• శర్వానంద్ - నారి నారి నడుమ మురారి

అంతేకాదు, కొన్ని తమిళ సినిమాలు కూడా ఈ పండగ సీజన్‌లో తెలుగులో విడుదలకు సిద్ధమవుతున్నాయి. ఈ భారీ పోటీలో ‘మన శంకర వరప్రసాద్ గారు’ ఎలా నిలబడుతుందో చూడాలి. మొత్తానికి, చిరంజీవి- అనిల్ రావిపూడి కాంబినేషన్‌పై భారీ ఆశలు ఉన్నాయి. భారీ పారితోషికం, డీల్‌లు పెండింగ్‌లో ఉండటం, సంక్రాంతి సీజన్‌లో తీవ్రమైన పోటీ వీటన్నిటి మధ్య ఈ సినిమా రిలీజ్ అవుతుండడం విశేషం. ఓటీటీ హక్కులు త్వరలోనే ఫైనల్ అవుతాయని భావిస్తున్నప్పటికీ, అసలు సక్సెస్ మాత్రం థియేటర్లలోనే ఉంది. ప్రేక్షకులు ఈ కొత్త ఫ్యామిలీ ఎంటర్టైనర్‌ను ఎంతగా ఆదరిస్తారో చూడాలి.