Malavika Mohan: 'రాజాసాబ్' బ్యూటీకి మరో బంపర్ ఆఫర్.. ఏకంగా మెగాస్టార్ సినిమాలో!

ప్రస్తుతం ఈ ముద్దుగుమ్మ తెలుగులో రెబల్ స్టార్ ప్రభాస్ సరసన 'రాజాసాబ్' సినిమా చేస్తోంది. ఇటీవలే రాజాసాబ్ ట్రైలర్ విడుదలవగా.. అందులో ప్రభాస్ తో మాళవిక కెమిస్ట్రీ, గ్లామర్ డోస్ కుర్రకారును ఫిదా చేశాయి.

ఈ సినిమా చేస్తుండగానే తెలుగులో మరో బంపర్ ఆఫర్ ఈ బ్యూటీకి దక్కినట్లు తెలుస్తోంది. ఏకంగా మెగాస్టార్ చిరంజీవి సినిమాలో నటించే ఛాన్స్ కొట్టేసిందట.

'వాల్తేరు వీరయ్య' సినిమా తర్వాత చిరంజీవి- డైరెక్టర్ బాబీ కాంబోలో మరో క్రేజీ యాక్షన్ ఎంటర్ టైనర్ సిద్దమవుతున్న సంగతి తెలిసిందే. కాగా, ఈ సినిమాలో కథానాయిక పాత్ర కోసం మాళవిక పేరు పరిశీలనలో ఉందని సమాచారం.

అయితే ఇందులో ఇద్దరు కథానాయికలకు చోటుండగా.. ఒక పాత్ర కోసం మాళవిక పేరు పరిశీలిస్తున్నారట. దీనిపై ఇంకా ఎటువంటి అధికారిక ప్రకటన రాలేదు.

ఒక వేళ ఇది నిజమైతే 'రాజాసాబ్' తర్వాత మాళవిక తెలుగులో నటించబోయే రెండో చిత్రం అవుతుంది.

మాళవిక మలయాళ చిత్రం 'పట్టం పోలా' సినిమాతో ఇండస్ట్రీలో అడుగుపెట్టింది. ఆ తర్వాత రజినీకాంత్ 'పేట', మాస్టర్, మారన్ వంటి సూపర్ హిట్ సినిమాలతో ఫుల్ క్రేజ్ దక్కించుకుంది.

సినిమాలతో పాటు సోషల్ మీడియాలోనూ ఫుల్ యాక్టీవ్ గా ఉంటుంది ఈ బ్యూటీ. తరచూ నెట్టింట గ్లామరస్ ఫొటో షూట్లతో కుర్రకారును ఫిదా చేస్తుంది.