Prabhas Birthday Video: ప్రభాస్ బర్త్‌డే కు గీత ఆర్ట్స్ స్పెషల్ వీడియో.. గూస్‌బంప్స్ అంతే..!

Prabhas Birthday Video: భారతీయ సినిమా ప్రపంచంలో అత్యంత ప్రజాదరణ పొందిన హీరోల్లో ప్రభాస్ ఒకరు. వరుసగా భారీ సినిమాలతో ప్రేక్షకులను అలరిస్తున్న ఆయన పుట్టినరోజు సందర్భంగా అభిమానులు సోషల్ మీడియాను శుభాకాంక్షలతో నింపేశారు. #HappyBirthdayPrabhas హ్యాష్‌ట్యాగ్‌తో ట్విట్టర్, ఇన్‌స్టాగ్రామ్, ఫేస్‌బుక్ అన్నీ ప్రభాస్ పోస్టులతో నిండిపోయాయి.

ఈ సందర్భంగా గీత ఆర్ట్స్(Geetha Arts) సంస్థ ప్రభాస్‌కు స్పెషల్ గిఫ్ట్ ఇచ్చింది. వారు విడుదల చేసిన మ్యాష్‌అప్ వీడియో ప్రస్తుతం సోషల్ మీడియాలో వైరల్ అవుతోంది. “అర్జునుడి లాంటి రూపం, శివుడి లాంటి బలం, రాముడి లాంటి గుణం” అంటూ ప్రారంభమైన ఆ వీడియోలో ప్రభాస్ నటించిన సినిమాల డైలాగులు, యాక్షన్ సీన్లు, ఎమోషనల్ సన్నివేశాలు అద్భుతంగా కట్ చేశారు. ఆయన ఎలివేషన్స్ చూసి అభిమానులు గూస్‌బంప్స్‌ ఫీల్ అవుతున్నారు.

“బాహుబలి”తో ప్రపంచవ్యాప్తంగా గుర్తింపు తెచ్చుకున్న ప్రభాస్, ఇప్పుడు ప్రతి సినిమా ద్వారా కొత్త రికార్డులు సృష్టిస్తున్నారు. “సలార్”, “కల్కి 2898 AD” వంటి సినిమాలతో ఆయన పాన్ ఇండియా స్థాయిలో మరింత క్రేజ్ పొందారు. భారీ బడ్జెట్ ప్రాజెక్టులు, గ్లోబల్ లెవల్ ప్రమోషన్లు ఆయనను దేశంలోనే కాదు, విదేశాలలో కూడా మోస్ట్ లవ్డ్ స్టార్‌గా నిలబెట్టాయి.

ప్రస్తుతం ప్రభాస్ చేతిలో ఉన్న సినిమాల లైన్‌అప్ చూస్తే ఎవరికైనా ఆశ్చర్యం కలిగిస్తుంది. ఆయన దగ్గర ఇప్పుడు ఏకంగా 7 భారీ సినిమాలు ఉన్నాయి. వీటిలో “ది రాజా సాబ్”, “ఫౌజీ”, “స్పిరిట్”, “సలార్ పార్ట్ 2”, “కల్కి 2898 AD పార్ట్ 2” వంటి మాస్ ప్రాజెక్టులు ఉన్నాయి. అదీకాక, మరో రెండు పెద్ద సినిమాలు కూడా చర్చల్లో ఉన్నాయని సమాచారం.

ఈ అన్ని సినిమాల బడ్జెట్‌లను కలిపి చూస్తే దాదాపు ₹3500 కోట్లకు పైగా అవుతుంది. ఇంత పెద్ద లైన్‌అప్‌తో ఉన్న హీరో భారతీయ సినీ చరిత్రలో ఇదే తొలిసారి. ప్రభాస్ రోజుకు 14 గంటల వరకు షూటింగ్ చేస్తూ, ఒకేసారి రెండు సినిమాలకు డేట్స్ సర్దుబాటు చేస్తారని ఆయన నిర్మాతలు చెబుతున్నారు. ఆయన డెడికేషన్, సింప్లిసిటీ, ప్రొఫెషనలిజం చూసి ప్రతి ఒక్కరూ ఫిదా అవుతున్నారు.

“బాహుబలి” తర్వాత ఆయన సినిమాలు విడుదల అవ్వకముందే హైప్ సృష్టిస్తుంటాయి. ఇప్పుడు ఆయన లైన్‌అప్ చూస్తే, వచ్చే కొన్ని సంవత్సరాలు ప్రభాస్ అభిమానులకు నిజంగా సెలబ్రేషన్ సీజన్ లాంటివే. మొత్తం మీద, ఈరోజు ప్రభాస్ పుట్టినరోజు సినీ ప్రపంచం మొత్తం ఒకే మాట చెబుతోంది - “హ్యాపీ బర్త్‌డే డార్లింగ్ ప్రభాస్!”