Director Teja: ట్రేడింగ్ మోసంలో దర్శకుడు తేజ కుమారుడు.. రూ.63 లక్షల స్వాహా!

Director Teja: టాలీవుడ్ దర్శకుడు తేజ కుమారుడు అమితోవ్ ఒక ఆర్థిక మోసానికి బలయ్యాడు. ఈ ఘటనలో అతడు సుమారు రూ.63 లక్షలు కోల్పోయినట్టు సమాచారం. హైదరాబాద్‌కు చెందిన ప్రణీత్, అనుష అనే ఇద్దరు తమను స్టాక్ మార్కెట్ నిపుణులమని పరిచయం చేసుకొని, ఎక్కువ లాభాలు వస్తాయని చెప్పి అమితోవ్‌ను నమ్మించారు.

Director Teja’s son Amitav Teja has alleged that a Hyderabad-based couple cheated him of ₹63 lakh after promising high returns through trading investments. A case has been registered at Jubilee Hills police station.#Hyderabad#Telangana#CrimeNews#TradingScampic.twitter.com/7G0UMrNiN6

— Hyderabad Mail (@Hyderabad_Mail) January 14, 2026

వారు చూపించిన నకిలీ లాభాల వివరాలను నమ్మిన అమితోవ్, తన సొంత డబ్బును పెట్టుబడిగా పెట్టాడు. కానీ కొంతకాలం గడిచినా లాభాలు రాకపోవడం, పెట్టిన మొత్తం కూడా మాయమవడంతో అతడికి మోసం జరిగిందని అర్థమైంది. వెంటనే పోలీసులను ఆశ్రయించి ఫిర్యాదు చేశాడు. ప్రస్తుతం ఈ కేసుపై పోలీసులు విచారణ జరుపుతున్నారు.

అమితోవ్ అమెరికాలో చదువు పూర్తి చేసి ఇటీవల నటన వైపు అడుగులు వేస్తున్నాడు. అతడి తొలి సినిమా ఆయన తండ్రి తేజ దర్శకత్వంలోనే తెరకెక్కుతోంది. ఈ సినిమా షూటింగ్ ప్రస్తుతం జరుగుతోంది. ఈ మోసం విషయం న్యాయపరమైన విచారణలో ఉన్నందున దర్శకుడు తేజ ఈ అంశంపై స్పందించలేదు.

తేజ ప్రస్తుతం తన కుమారుడిని హీరోగా పెట్టి ఒక సూపర్‌నేచురల్ థ్రిల్లర్ సినిమా తెరకెక్కిస్తున్నారు. ఈ చిత్రంలో లేట్ రమేష్ బాబు కుమార్తె భారతి ఘట్టమనేని హీరోయిన్‌గా నటిస్తోంది. ఈ సినిమాకు ఇంకా టైటిల్ ఖరారు కాలేదు. త్వరలోనే అధికారిక ప్రకటన చేయనున్నట్లు సమాచారం.

మొత్తంగా, స్టాక్ మార్కెట్‌లో ఎక్కువ లాభాల ఆశ చూపించి చేసే మోసాలపై జాగ్రత్తగా ఉండాలని ఈ ఘటన మరోసారి గుర్తు చేస్తోంది.