పాపం.. తప్పిన సోనియా లెక్కలు.. టాప్ 5 కాస్త 4th వీక్ లోనే గుడ్ బై..!

Bigg Boss 8 Soniya :  బిగ్ బాస్ నాలుగవ వారం ముగిసింది. ఈ వారం సోనియా, పృథ్వీ, మణికంఠ, ప్రేరణ, ఆదిత్య ఓం, నబీల్‌ నామినేషన్స్ ఉండగా.. అందరి కంటే లీస్ట్ ఓటింగ్ వచ్చిన సోనియా ఈ వారం బిగ్ బాస్ ఇంటి  నుంచి బయటకు వచ్చేసింది. మొదటి నుంచి తాను చాలా  స్ట్రాంగ్ కంటెస్టెంట్ అని ఫీలైన సోనియా.. 4th వీక్ లోనే ఎలిమినేట్ అవుతానని ఊహించలేకపోయింది.  

స్ట్రాంగ్ అని అనుకున్న సోనియా 

షో స్టార్టింగ్ లో సోనియా మాటలు, ఆమె ప్రవర్తన హౌస్ మేట్స్ తో పాటు ప్రేక్షకుల దృష్టిలో తాను స్ట్రాంగ్ కంటెస్టెంట్ అనే భావన కలిగించింది. ఏదైనా ఆర్గుమెంట్ వస్తే.. లా పాయింట్ మాట్లాడుతూ తన మాటలతో అవతలి కంటెస్టెంట్ ను  ఇరకాటంలో పెట్టేది. దీంతో ఈమె వన్ ఆఫ్ ది టాప్ 5 కంటెస్టెంట్ అనే ఫీలింగ్ ఫీలింగ్ కలిగింది. 

అనుకున్నది ఒకటి అయినది ఒకటి.. 

కానీ ఆ తర్వాత పెద్దోడా, చిన్నోడా అంటూ నిఖిల్, పృథ్వీకి సలహాలు ఇవ్వడం మొదలు పెట్టిన సోనియా.. ఇక తన గేమ్ పక్కన పెట్టేసింది. ఆమె ఆట కంటే  ఎప్పుడూ నిఖిల్,  పృథ్వీతో కూర్చొని ముచ్చట్లు పెట్టడమే  ఎక్కువగా కనిపించింది. దీనికి తోడు ఈమె పృథ్వీ, నిఖిల్ ఆటను ఇన్ ఫ్లుయెన్స్ చేస్తుందని, వాళ్ళిద్దరినీ ముందు పెట్టి ఆడుతుంది తప్పా తన గేమేమి కనిపించడం లేదనే ఫీలింగ్ మిగతా హౌస్ మేట్స్ లో మొదలైంది. అలా మిగిలిన కంటెస్టెంట్స్ అందరికీ టార్గెట్ అయిపోయింది. అంతేకాదు సోషల్ మీడియాలోనూ  పృథ్వీ, నిఖిల్ ఆటను సోనియా  ఇన్ ఫ్లుయెన్స్ చేస్తుందని.. ఆమె  ఎలిమినేట్ అవ్వాలి అంటూ నెటిజన్లు తెగ ట్రోల్స్ కూడా చేశారు. 

 ఇలా నిఖిల్, పృథ్వీ విషయంలో బాగా నెగెటివ్ అయిన సోనియా నామినేషన్స్ లోకి వచ్చిన మొదటి వారమే ఎలిమినేట్ అయ్యింది. అలాగే యష్మీ, విష్ణు విషయంలో సోనియా జారిన మాటలు కూడా  ఆమెపై కాస్త నెగిటివిటీని పెంచాయని టాక్. 

ఇక సోనియా ఎలిమినేషన్ కంటెస్టెంట్  ఊహించకపోయిన .. నెటిజన్లు మాత్రం ముందే ఊహించారు. సోనియాను ఎలిమినేట్ చేసి బిగ్ బాస్ మంచి చేశాడంటూ నెట్టింట కామెంట్లు చేస్తున్నారు. హమ్మయ్యా..  సోనియా వెళ్ళిపోయింది.. ఇకపై నిఖిల్ తన గేమ్  కరెక్ట్‪‌గా ఆడతాడు అని అంటున్నారు నెటిజన్లు. 

Also Read: కంగనా కొత్త కారు ధర తెలిస్తే మైండ్ బ్లాకే.. ఏకంగా బంగ్లాను అమ్మేసి కొనుగోలు చేసిందిగా..!