Akhanda 2: బాలయ్య ఫ్యాన్స్ కు షాక్.. ప్రీమియర్ షోస్ క్యాన్సల్..?

Akhanda 2: బాలకృష్ణ - బోయపాటి శ్రీను కాంబినేషన్‌లో వస్తున్న భారీ యాక్షన్ చిత్రమైన ‘అఖండ 2: తండవం’ ఈ ఏడాది డిసెంబర్ 5, 2025న ప్రపంచవ్యాప్తంగా విడుదలకు సిద్ధమైంది. ట్రైలర్ విడుదలైనప్పటి నుంచి సినిమా చుట్టూ భారీ హైప్ నెలకొంది. బోయపాటి ప్రత్యేకమైన మాస్ స్టైల్, బాలయ్య పవర్‌ఫుల్ అవతార్ ప్రేక్షకుల్లో భారీ అంచనాలను పెంచాయి.

యూఎస్‌ఏలో 3D అభిమానులకు షాక్ 'Akhanda 2' 3D Shows Cancelled in USA

సినిమా బృందం ఈసారి థియేటర్ అనుభవాన్ని మరింత ప్రత్యేకంగా మార్చేందుకు ‘అఖండ 2’ని 3D ఫార్మాట్‌లో కూడా తయారు చేసింది. అయితే, యూఎస్‌ఏలో ఈ వెర్షన్ కోసం ఎదురుచూస్తున్న బాలయ్య అభిమానులకు కొంత నిరాశ ఎదురైంది. అక్కడి డిస్ట్రిబ్యూటర్ ఇచ్చిన సమాచారం ప్రకారం యూఎస్‌ఏ ప్రీమియర్ షోలు కేవలం రెగ్యులర్ 2D ఫార్మాట్‌లోనే ఉంటాయి. 3D వెర్షన్ మాత్రం ప్రీమియర్ తర్వాత రోజు నుంచే అందుబాటులోకి రానుంది. అందువల్ల 3Dలో సినిమా చూడాలని భావిస్తున్న యూఎస్‌ఏ ప్రేక్షకులు తమ ప్లాన్లను మార్చుకోవాల్సి వచ్చింది.

చిక్కబళ్లాపురలో అఖండ 2 ట్రైలర్ లాంచ్ 
 
చిత్ర బృందం ఇటీవల కర్ణాటకలోని చిక్కబళ్లాపురలో అఖండ 2 ట్రైలర్‌ను భారీ ఈవెంట్‌లో విడుదల చేసింది. ఈ ఈవెంట్లో అభిమానులు అధిక సంఖ్యలో పాల్గొని బాలయ్యకు ఆత్మీయ స్వాగతం పలికారు. తర్వాత ట్రైలర్‌ను సోషల్ మీడియాలో కూడా విడుదల చేశారు. బాలయ్య పవర్‌ఫుల్ డైలాగులు.. ట్రైలర్‌లో బాలయ్య చెప్పిన “ఇప్పటి వరకూ మా దేశ రూపాన్ని చూసావ్… మా దేశ విశ్వరూపాన్ని చూడలేదు” అనే డైలాగ్ సోషల్ మీడియాలో వైరల్‌గా మారింది. సనాతన ధర్మం నేపథ్యంలో ఈసారి కూడా బోయపాటి కథలో సనాతన ధర్మం అంశాలను ప్రధానంగా చూపించబోతున్నట్లు ట్రైలర్ స్పష్టం చేస్తోంది.
అఖండ పాత్రలో బాలయ్య అఖండ లుక్, ఆయన గంభీరమైన స్క్రీన్ ప్రెజెన్స్, యాక్షన్ సీన్స్ , ట్రైలర్‌లో చూపించిన గ్రాఫిక్స్, సెట్‌లు,  విజువల్స్ చాలా గ్రాండ్‌గా కనిపించాయి. తమన్ ఇచ్చిన బ్యాక్‌గ్రౌండ్ స్కోర్ కూడా ఎమోషన్, యాక్షన్ రెండింటినీ బలంగా ఎలివేట్ చేసింది. మొత్తంగా బాలయ్య స్టైల్ యాక్షన్ తో ట్రైలర్ ఫుల్ గా ఆకట్టుకుంది.

అఖండ 2పై అంచనాలు రోజు రోజుకి భారీగా పెరుగుతున్నాయి. మొదటి భాగం ‘అఖండ’ బాలయ్య కెరీర్‌లో మైలురాయిగా మారిన సంగతి అందరికీ తెలిసిందే. అదే కాంబినేషన్ మళ్లీ రావడంతో ‘అఖండ 2’పై అంచనాలు మొదటి రోజు నుంచే ఆకాశానికెగశాయి. ఇప్పుడు ట్రైలర్ విడుదల తర్వాత ఆ అంచనాలు మరింత పెరిగాయి.

సినిమా బృందం కూడా ఈసారి కథ, యాక్షన్, విజువల్ గ్రాండియర్ అన్నింటితో ప్రేక్షకులకు కొత్త అనుభవం ఇవ్వాలని లక్ష్యంగా పెట్టుకున్నట్లు తెలుస్తోంది. ముఖ్యంగా 3D వెర్షన్‌కు సంబంధించిన అప్డేట్స్ కూడా ఆసక్తిని రేకెత్తిస్తున్నాయి.

మొత్తానికి, ‘అఖండ 2’ ట్రైలర్ విడుదల ప్రేక్షకుల్లో ఉత్సాహాన్ని పెంచగా, యూఎస్‌ఏలో 3D ప్రీమియర్ ఆలస్యమవడం అక్కడి అభిమానులకు కొంత నిరాశ కలిగించింది. అయినప్పటికీ, సినిమాలో బాలయ్యతో కలిసి బోయపాటి శ్రీను తెచ్చిన మాస్ యాక్షన్, డైలాగులు అన్ని బాక్సాఫీస్ వద్ద మరోసారి భారీ రికార్డులు సెట్ చేసే అవకాశం కనిపిస్తోంది.