Andhra King Taluka: రామ్ పాడిన పాట థియేట్రికల్ కట్‌లో లేదేంటి..?

Andhra King Taluka: రామ్ పోతినేని(Ram Pothineni), ఉపేంద్ర(Upendra), భాగ్యశ్రీ బోర్సే(Bhagyashree Borse) ప్రధాన పాత్రల్లో నటించిన తాజా తెలుగు చిత్రం ‘ఆంధ్రా కింగ్ తాలూకా’ మహేష్ బాబు పి దర్శకత్వంలో తెరకెక్కింది. సినిమా నిన్న నవంబర్ 27న థియేటర్లలో విడుదలై, మంచి ఓపెనింగ్స్ తో రామ్ కెరీర్‌లో మరో హిట్ గా నిలిచింది.

BookMyShowలో ఈ సినిమా విడుదలైన 24 గంటల్లో 77,000 టికెట్లు పైగా అమ్ముడై, సినిమాకు మంచి బూస్ట్ ఇచ్చింది. ప్రస్తుతం సినిమా టిక్కెట్లు వేగంగా అమ్ముడవుతున్నాయి, వీకెండ్ వరకు ఈ జోరు కొనసాగుతుందని విశ్లేషకులు ఊహిస్తున్నారు. అయితే, థియేట్రికల్ వర్షన్ చూసిన ఫ్యాన్స్ ఒకటి  గమనించారు. ఈ సినిమాలో రామ్ పాట పాడారని అందరికి తెలుసు. ఆయన సింగర్‌గా చేసిన “Puppy Shame” అనే పాట రిలీజ్ అయింది, కానీ థియేటర్ లో సినిమా చూడగానే ఆ పాట లేకపోవడంతో ఆశ్చర్యపోయారు.

సినిమా మొత్తం 2 గంటలు 46 నిమిషాలు ఉండటంతో, హీరో పాటతో ఉన్న సన్నివేశాన్ని తీసివేయడం వల్ల కథ వేగంగా కొనసాగించడానికి నిర్మాతలు ఈ నిర్ణయం తీసుకున్నారాని తెలుస్తోంది. “Puppy Shame” ఒక కాలేజ్ లో జరిగే టీజింగ్ సాంగ్, అలాగే ఈ పాట యూట్యూబ్‌లో లిరికల్ వీడియోగా అందుబాటులో ఉన్నందున, థియేట్రికల్ ఫ్లోలో ఇది అవసరం లేని అంశమని నిర్ణయించారేమో అని ఫ్యాన్స్ ఊహిస్తున్నారు.

నిర్మాతలు, మైత్రి మూవీస్ మేకర్స్, దర్శకుడు మహేష్ బాబు పి త్వరలో అధికారికంగా వివరాలు వెల్లడిస్తారని భావిస్తున్నారు. అలాగే, ఈ పాటను ఓటీటీ వర్షన్‌లో చేర్చడం లేదా పూర్తి వీడియోగా వేరుగా రిలీజ్ చేయడం లాంటివి జరుగుతాయో లేదో అన్న విషయం కూడా త్వరలో తెలుస్తోంది, ఒక వేళ రిలీజ్ చేస్తేయ్ మాత్రం ఇది రామ్ ఫ్యాన్స్ కోసం మంచి సర్‌ప్రైజ్ అవుతుంది.

సినిమాలో రాజీవ్ కనకాల, రావు రమేష్, మురళి శర్మ, రాహుల్ రామకృష్ణ ఇతర కీలక పాత్రల్లో కనిపించారు. సంగీతం వివేక్ - మెర్విన్ జంట అందించగా, పాటలు ఇప్పటికే సంగీత ప్రియుల నుండి మంచి ఫీడ్‌బ్యాక్ పొందుతున్నాయి. ప్రస్తుతం, సినిమా మొదటి వీకెండ్ ఫలితం కోసం ప్రేక్షకులు, ఫ్యాన్స్, క్రిటిక్స్ ఆసక్తిగా ఎదురుచూస్తున్నారు. పాట తీసివేయడం వల్ల సినిమా వేగం కొంత పెరిగిందనే చెప్పాలి.

మొత్తంగా, ‘ఆంధ్రా కింగ్ తాలూకా’ బుకింగ్స్, ఫ్యాన్స్ రియాక్షన్స్‌తో రామ్ కెరియర్‌లో మరో మంచి విజయంగా నిలుస్తోంది. “Puppy Shame” పాటను థియేట్రికల్ కట్ నుండి తీసివేయడం చిన్న షాక్ అయినా, ఇది కథా ఫ్లోని వేగాన్ని నిలకడగా ఉంచడానికి తీసుకున్న ఒక నిర్ణయం మాత్రమే అని తెలుస్తోంది.