Cinema: '8 వసంతాలు' బ్యూటీకి సందీప్ రెడ్డి వంగ బంపర్ ఆఫర్!

19 ఏళ్లకే నటనతో పాటు కరాటే, , కళరిపయట్టు, కత్తిసాము వంటి వివిధ నైపుణ్యాలను ప్రదర్శిస్తూ అందరినీ ఆశ్చర్యపరిచింది ఈ ముద్దుగుమ్మ.

సినిమాకు మిక్స్డ్ టాక్ వచ్చినప్పటికీ.. అనంతిక నటనకు మంచి మార్కులు పడ్డాయి. 2015లోనే సినీ కెరీర్ మొదలు పెట్టిన అనంతిక రజనీకాంత్ 'లాల్ సలాం', 'మిలీ', 'రైడ్', వంటి తమిళ సినిమాల్లో నటించింది. ప్రస్తుతం తెలుగులో సత్తా చాటేందుకు ప్రయత్నాలు చేస్తోంది.

ఈ క్రమంలో మరో బంపర్ ఆఫర్ పట్టేసింది ఈ ముద్దుగుమ్మ టాలీవుడ్ స్టార్ డైరెక్టర్ సందీప్ రెడ్డి వంగ ఈ ముద్దుగుమ్మతో సినిమా తీసే ప్లాన్ లో ఉన్నారట. అయితే ఈ చిత్రానికి సందీప్ దర్శకుడు కాదు, నిర్మాతగా వ్యవహరించనున్నారు.

సందీప్‌ రెడ్డి సొంత నిర్మాణ సంస్థ భద్రకాళి పిక్చర్స్‌పై ఇప్పటికే వచ్చిన అర్జున్‌ రెడ్డి, యానిమల్‌ చిత్రాలు భారీ విజయాన్ని అందుకున్నాయి. దీంతో అనంతికతో చేయబోయే స్క్రిప్ట్ కూడా బలంగా ఉండబోతున్నట్లు తెలుస్తోంది.

ఈ సినిమాతో వేణు అనే కొత్త టాలెంట్ దర్శకుడిగా పరిచయం కాబోతున్నారు. గ్రామీణ నేపథ్యంలో చక్కటి ప్రేమ కథా చిత్రంగా ఉండబోతుందని టాక్.

ఇందులో 'మేం' ఫేమస్ హీరో సుమంత్‌ ప్రభాస్‌ హీరోగా నటిస్తున్నారట. ‘మేం ఫేమస్‌’ చిత్రం బ్లాక్ బస్టర్ విజయాన్ని సొంతం చేసుకున్న సంగతి తెలిసిందే.