Akhanda Part 3: బాలయ్య ఫ్యాన్స్ కు అదిరిపోయే స‌ర్‌ఫ్రైజ్! అఖండ పార్ట్ 3 టైటిల్ ఫిక్స్..

Akhanda Part 3: నందమూరి బాలకృష్ణ(Balakrishna) మళ్ళీ మాస్ లుక్‌లో ప్రేక్షకుల ముందుకు వచ్చిన అఖండ 2 - తాండవం సినిమాకు ప్రపంచవ్యాప్తంగా జరిగిన పెయిడ్ ప్రీమియర్స్‌లో అద్భుతమైన రెస్పాన్స్ లభించింది. బోయపాటి శ్రీను దర్శకత్వంలో వచ్చిన ఈ సినిమా నేడు రెగ్యులర్ షోలతో థియేటర్లలో  విడుదలైంది.

పెయిడ్ ప్రీమియర్స్‌లోనే ప్రేక్షకులు బాలకృష్ణ నటనను ప్రశంసలతో ముంచేశారని చెప్పాలి. ముఖ్యంగా అఖండ పాత్రలో ఆయన స్క్రీన్‌పై చూపిన విశ్వరూపం ప్రేక్షకులను విపరీతంగా ఆకట్టుకుంది. ఎస్ ఎస్  తమన్ అందించిన బ్యాక్‌గ్రౌండ్ స్కోర్ కూడా భారీగా ప్లస్ అయ్యింది. యాక్షన్, ఎమోషన్ సన్నివేశాల్లో ఆయన సంగీతం సినిమాను మరో స్థాయికు తీసుకెళ్లింది.

అఖండ 3 ఫిక్స్..! Jai Akhanda

ఈ నేపథ్యంలో, ప్రేక్షకులకు సరికొత్త అప్‌డేట్‌ను చిత్రబృందం అధికారికంగా ప్రకటించింది. అఖండ ఫ్రాంచైజ్ కొనసాగుతుందని, మూడో భాగానికి ‘జై అఖండ’(Jai Akhanda) అనే పేరు ఖరారైనట్లు వారు వెల్లడించారు. సినిమా చివరి భాగంలోనే ఈ టైటిల్‌ను ప్రకటించడం విశేషం.

కథలో చూపించిన విధంగా, అఖండ పాత్ర ఇక సంబాలాకు వెళ్లి, దేశానికి మరోసారి ప్రమాదం వచ్చినప్పుడు తిరిగి వస్తాడని హింట్ ఇచ్చారు. అందువల్ల, కొత్త భాగంలో ఏ కథ చూపిస్తారు? ఏ సమస్యను అఖండ ఎదుర్కొంటాడు? వంటి అంశాలపై ఆసక్తి పెరిగింది.
ఇప్పటికే బోయపాటి శ్రీను జై అఖండ స్క్రిప్ట్‌ను పూర్తి చేశారా అనే విషయాన్ని మాత్రం ఇంకా అధికారికంగా వెల్లడించలేదు. కానీ, సినిమా మాత్రం ఖచ్చితంగా వస్తుందన్న విషయాన్ని నిర్మాతలు ధృవీకరించారు.

అఖండ 2 సినిమాలో సమ్యుక్త, హర్షాలి మల్హోత్రా, కబీర్ దువాన్ సింగ్ వంటి నటులు కీలక పాత్రల్లో నటించారు. 14 రీల్స్ ప్లస్ పతాకంపై తెరకెక్కిన ఈ చిత్రం 2D, 3D రెండు ఫార్మాట్లలో విడుదలై మంచి రెస్పాన్స్ పొందింది. ఓపెనింగ్ కలెక్షన్లు కూడా అదిరిపోనున్నాయని ట్రేడ్ వర్గాలు చెబుతున్నాయి.

మొత్తానికి, అఖండ 2 మంచి ప్రారంభాన్ని సాధించడంతో పాటు, మూడో భాగం ప్రకటించడం బాలయ్య అభిమానులకు డబుల్ సెలబ్రేషన్‌గా మారింది.  ‘జై అఖండ’ ఎప్పుడు మొదలు అవుతుందని ప్రేక్షకులు ఇప్పుడు ఆసక్తిగా ఎదురుచూస్తున్నారు.