Allu Arjun: #AA23 అల్లు అర్జున్ సరికొత్త రికార్డ్.. ఇన్‌స్టాగ్రామ్‌లో భారీ రీల్స్!

Allu Arjun: ఐకాన్ స్టార్ అల్లు అర్జున్, స్టార్ దర్శకుడు లోకేష్ కనగరాజ్(Lokesh Kanagaraj) కలిసి చేస్తున్న సినిమా ఇప్పటికే సంచలనం సృష్టిస్తోంది. ఈ ప్రాజెక్ట్‌ను తాత్కాలికంగా #AA23 అనే పేరుతో ప్రకటించారు. సినిమా షూటింగ్ ఇంకా మొదలు కాకముందే ఈ ప్రకటన వీడియో సినీ అభిమానులను బాగా ఆకట్టుకుంది.

గ్లింప్స్‌లో చూపించిన విజువల్స్ చాలా స్టైలిష్‌గా ఉండటంతో పాటు, అనిరుధ్ అందించిన బ్యాక్‌గ్రౌండ్ మ్యూజిక్ సోషల్ మీడియాలో ట్రెండ్‌గా మారింది. ముఖ్యంగా ఆ మ్యూజిక్‌కు ఇన్‌స్టాగ్రామ్‌లో భారీ సంఖ్యలో రీల్స్ తయారవుతున్నాయి.

View this post on Instagram

A post shared by R_-_@_-_@_-_M (@trending_raam)

ఇప్పటికే #AA23 మూవీ అనౌన్స్‌మెంట్ థీమ్‌పై 3.55 లక్షలకుపైగా రీల్స్ వచ్చాయి. దీంతో సినిమా షూటింగ్ మొదలుకాకముందే ఒక కొత్త రికార్డ్‌ను ఈ మూవీ తన పేరుతో నమోదు చేసుకుంది. సినిమా ప్రకటన మ్యూజిక్‌కు ఇంత పెద్ద రెస్పాన్స్ రావడం ఇదే తొలిసారి.

ప్రస్తుతం సోషల్ మీడియా కాలంలో సినిమా ప్రారంభం నుంచే ప్రేక్షకుల దృష్టిని ఆకర్షించడం చాలా ముఖ్యం. ఆ విషయంలో #AA23 పూర్తిగా సక్సెస్ అయింది. ఈ సినిమా దర్శకుడు లోకేష్ కనగరాజ్ కలల ప్రాజెక్ట్‌గా చెబుతున్న ‘ఇరుంబుకై మాయావి’ కథ ఆధారంగా తెరకెక్కనుందనే ప్రచారం కూడా ఉంది.

ఈ భారీ సినిమాను ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తోంది. అల్లు అర్జున్ - లోకేష్ కనగరాజ్ కాంబినేషన్‌పై ఇప్పటికే భారీ అంచనాలు ఏర్పడ్డాయి. షూటింగ్ మొదలయ్యేలోపే ఇంత క్రేజ్ రావడం ఈ సినిమా ఎంత పెద్ద హిట్ అవుతుందో చెప్పకనే చెబుతోంది.